ឯកឧត្តម ប៉ា សុជាតិវង្សពិធីសម្ពោធដាក់ឲ្យប្រើប្រាស់រោងលំអងកេសរ ក្នុងវត្តឧណ្ណាលោម
17-February-2016 | ដោយ មែន កំសត់
ភ្នំពេញ៖កុដិលេខ៣១ ដែលត្រូវបានប្រសិទ្ធនាមថា រោងលំអងកេសរ ក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ រាជធានីភ្នំពេញ ត្រូវបានធ្វើពិធីសម្ពោធដាក់ឲ្យប្រើប្រាស់កាលពីរសៀលថ្ងៃ ទី១៦ខែកុម្ភៈឆ្នាំ២០១៦ ក្រោមអធិបតីភាពឯកឧត្តម ប៉ា សុជាតិវង្ស អភិបាលរាជធានីភ្នំពេញ និងលោកជំទាវ អ៊ួន សុវណ្ណរិន្ទ។
បើយោងតាមកាបញ្ជាក់របស់គណៈកម្មការវត្តបាឲ្យដឹងថារោងលំអងកេសរនេះ មានទំហំ២៣១ម៉ែត្រការ៉េ ទទឹង១១ម៉ែត្រ និងបណ្តោយ១២ម៉ែត្រ និងកម្ពស់២១ម៉ែត្រ ប្លង់សេបីសន្លឹកកន្លះ មាន៩បន្ទប់ ធ្វើអំពីបេតុងអាមេ ដែលសាងសង់រួចនៅខែឆ្នូ ឆ្នាំ២០១៥ ដោយចំណាយថវិកាអស់ជាង២៣ម៉ឺនដុល្លា។ សមិទ្ធផលនេះ សាងសង់ឡើង ដើម្បីឧទ្ទិសថ្វាយព្រះពុទ្ធសាសនាឲ្យបានគ្រប់៥ពាន់ព្រះវស្សា និងសម្រាប់វត្តឧណ្ណាលោម ។
សមិទ្ធផលនេះ ជាការរួមចំណែកលើកកម្ពស់វិស័យព្រះពុទ្ធសាសនាឲ្យមានការរីកចម្រើន។ រោងលំអងកេសរនេះ នឹងជាទីសក្ការៈសម្រាប់ សីលវន្ត សីលវត្តី និងពុទ្ធបរិស័ទប្រតិបត្តិសីលវិន័យតាមគន្លងសាសនា៕
ចំនួនអ្នកទស្សនា
- ថ្ងៃនេះ821
- ម្សិលមិញ3321
- សប្តាហ៍នេះ12681
- ខែនេះ32751
- ឆ្នាំនេះ369011
- សរុប19596457