​

​កំពង់ចាម​៖ នៅ​ព្រឹក​ថ្ងៃទី​០៨ ខែមីនា ឆ្នាំ​២០១៦ ឯកឧត្ដម ហ៊ុន ម៉ានិត ប្រធាន​ក្រុមការងារ​ថ្នាក់កណ្ដាល នៃ​គណបក្ស​ប្រជាជន​កម្ពុជា ចុះជួយ​ស្រុក ចំការលើ ខេត្ត កំពង់ចាម បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់​ក្នុង ពិធីបុណ្យ​ផ្កា​មហា​សាមគ្គី នៅ វត្ត អម្ព​វនា​រាម ទួល​ស្វាយជ្រុំ ហៅ​វត្ត​ចំការអណ្ដូង ឃុំ​ចំការអណ្ដូង ស្រុក​ចំការលើ ខេត្តកំពង់ចាម ។​

​ពិធីបុណ្យ​នាពេលនោះ​មាន​វត្តមាន​អញ្ជើញ​ចូលរួម​ពី ឯកឧត្តម ស៊ឹម​សុខ​ព្រី  អភិបាលរង​ខេត្ត  គណៈ​អភិបាលស្រុក ចំការលើ កងកម្លាំង​ទាំង​៣ ក្រុមប្រឹក្សា​ស្រុក  គណៈ​ពង្រឹង​មូលដ្ឋាន​ស្រុក ក្រុមប្រឹក្សាឃុំ យុវជន​ឃុំ មេភូមិ​និង​ពុទ្ធបរិស័ទ​ចំណុះជើងវត្ត​ជាច្រើន នាក់​ផងដែរ​។​

​​នាឱកាស​នោះ ឯកឧត្ដម ហ៊ុន ម៉ានិត បាន​មានមតិ សំណេះសំណាល​ទៅកាន់ ពុទ្ធបរិស័ទ និង​អ្នកចូលរួម​ប្រកបដោយ​ភាព​រីករាយ  កក់ក្តៅ និង ស្និទ្ធស្នាល​ជាទីបំផុត ហើយ​ការចូលរួម​អបអរសាទរ ពិធីបុណ្យ​ផ្កា​មហា​សាមគ្គី​ថ្ងៃនេះ​ពិតជា​បង្ហាញ​ពី​សាមគ្គីភាព របស់​ប្រជា​ជាតិខ្មែរ​យើង​យ៉ាងពិត​ប្រាកដ ដែល មាន​ពុទ្ធបរិស័ទ ចូលរួម​យ៉ាងច្រើន​កុះករ ប្រកបដោយ  សប្បាយរីករាយ ក្រៃលែង​នា​ថ្ងៃនេះ​ដោយសារ​យើង​មាន​សុខសន្តិភាព ស្ថេរភាព​នយោបាយ   របស់​រាជរដ្ឋាភិបាល ដែលមាន សម្ដេច​តេ​ជោ ហ៊ុន សែន ជា​ប្រមុខ​ដឹកនាំ ។​
 

នាឱកាស​នោះដែរ ក្រៅ​អំពី​ការ​សំណេះសំណាល ប្រកបដោយ​ភាពស្និទ្ធស្នាល និង​កក់ក្ដៅ​នោះ ឯកឧត្តម បាន​ប្រគេន​និង​ជូន​នូវ​បច្ច័យ សំភារៈ ថវិកា​មួយចំនួន​ដល់​ព្រះសង្ឃ​និង​គណៈកម្មាការ​វត្ត និង ពុទ្ធបរិស័ទ​ដែល​បាន ចូលរួម ផងដែរ​៕

​