​ពេល​ថ្មីៗ​កន្លងទៅ តារាចម្រៀង​ប៉ុប Selena Gomez បាន​ចូលរួម​សម្ភាសន៍​ក្នុង​កម្មវិធី Watch What Happens Liv និង​បាន​និយាយ​ច្រានចោល​គ្រប់យ៉ាង​ចំពោះ​រឿង​មាន​ទំនាក់ទំនង​ស្នេហា​ជាមួយ​កំលោះ​វ័យក្មេង Brooklyn Beckham​។​

​ការលើកឡើង​របស់​អតីត​មិត្ត ស្រី Justin Bieber កើតមាន ក្រោយ​មាន​ពាក្យ​លេច​ឮថា នាង​គឺជា​ដើម​ហេតុដែល​នាំ​ឲ្យ Brooklyn និង​មិត្តស្រី Chloe Moretz បែកបាក់​គ្នា​។ ក្នុង​កម្មវិធី​លោក Andy Cohen ដែលជា​ពិធីករ​បាន​សាកសួរ​ពី​រឿង​របស់ Selena និង Brooklyn ។​
 

​ភ្លាមនោះ Selena បាន​តប​ថា​៖ ”​តើ​គាត់​អាយុ​ប៉ុន្មាន​ហើយ មិនមែន​១៦​ទេ​? បច្ចុប្បន្ន ខ្ញុំ​មើលទៅ​ដូច​អាយុ​១៦​ឆ្នាំ ប៉ុន្តែ​ខ្ញុំ​មាន​អាយុ ២៣​ឆ្នាំ​ហើយ​។ ខ្ញុំ​ធ្លាប់​ថត​ភាពយន្ត​ជាមួយ Chloe ហើយ​នាង​គឺជា​មនុស្ស​ពូកែ​ម្នាក់​”​។ ម្ចាស់​បទ ”Love You Like A Love Song”  បាន​បន្តថា​៖ ”​ខ្ញុំ​មិនដឹងថា​មាន​អ្វី​កើតឡើង​អំពី​ពួកគេ​នោះទេ ប៉ុន្តែ​ពួកគេ​មើលទៅ​ដូចជា​មិន​អី​ទេ ហេតុអ្វី​បាន​ពួកយើង​វិនិច្ឆ័យ​ពី​ទំនាក់ទំនង​របស់​ពួកគេ​”​។​
 
​កន្លងទៅ​រឿងរ៉ាវ​របស់ Selena Gomez បដិសេធ​ស្នេហា​ជាមួយ​កូនប្រុស​ច្បង​របស់ Beckham តែង​ឭ​តាមរយៈ​ប្រភព​ផ្សេងៗ ប៉ុន្តែ​ពេលនេះ​អ្វីៗ​កាន់តែច្បាស់​ពេល​នាង​និយាយ​ផ្ទាល់មាត់​៕

​ប្រភព​៖ mirror , sabay
​