តារាចម្រៀង​ប៉ុបអាមេរិក Selena Gomez បាន​និយាយ​ផ្ទាល់​មាត់​ក្នុង​​កម្មវិធី​វិទ្យុ KIIS FM កាល​ពី​សប្ដាហ៍​មុន​​ថា ខ្លួន​រីករាយ​ក្នុង​ការ​រស់​នៅ​ម្នាក់​ឯង។

ក្នុង​កិច្ច​សម្ភាសន៍​ជាមួយ​ពិធីករ Kyle និង Jackie O តារា​ស្រី​វ័យ​២៣​ឆ្នាំ​​បាន​បង្ហាញ​ក្ដី​សង្ឃឹម​​និង​ភាគរយ​តិចតួច​ក្នុង​ការ​ផ្សះផ្សារ​ចំណង​ស្នេហ៍​ឡើង​វិញ​ជាមួយ​អតីត​​មិត្ត​ប្រុស Justin Bieber ដោយ​ជំនួស​មក​វិញ​​នាង​បាន​និយាយ​ថា៖ “ខ្ញុំ​នៅ​ម្នាក់​ឯង​ហើយ​ខ្ញុំ​សប្បាយ​ចិត្ត​​​ជាមួយ​វា”។

ម្ចាស់​បទ “Good For You” ​ដែល​មិន​ទាន់​រក​ស្នេហ៍​ថ្មី​ឃើញ​ក្រោយ​បែក​បាក់​ពី​តារា​ចម្រៀង​កាណាដា បាន​និយាយ​លេង​សើច​ជាមួយ​ពិធីករ​ថា នាង​កំពុង​រក​​មិត្ត​ប្រុស​ថ្មី​សញ្ជាតិ​អូស្ត្រាលី។ ទាក់ទង​នឹង​រឿង​នេះ​ដែរ កាល​ពី​ប៉ុន្មាន​ថ្ងៃ​មុន Justin Bieber​ បង្ហើប​អារម្មណ៍​ពិត​ក្នុង​កម្មវិធី​ទូរទស្សន៍​មួយ​ថា គេ​​មិនបាន​ឈប់​ស្រលាញ់ Selena Gomez បាន​ឡើយ​ព្រោះ​នាង​ជា​ស្នេហា​ពិត​ដំបូង​។ ​​​

មួយ​រយៈ​ចុង​ក្រោយ​នេះ រឿង​ស្នេហ៍​ចាស់​របស់ Justin និង Selena បាន​រើ​ឡើង​យ៉ាង​ខ្លាំង​ទាំង​សារព័ត៌មាន​ និង​សម្ដី​ផ្ទាល់​ពី​សាមី​ខ្លួន​ផ្ទាល់។ នា​ពេល​កន្លង​ទៅ​បទ​ថ្មី​ “Sorry” របស់​ Justin ត្រូវ​គេ​គិត​ថា​ចង់​សូម​ទោស​ទៅ​កាន់​​ Gomez ផង​ដែរ។

ប្រភព៖dailymail , sabay