វិធីសាស្ត្រ ៩ យ៉ាង ដើម្បីយកឈ្នះបេះដូង Crush របស់អ្នក
24-December-2015 | ដោយ មួយឡា
នៅពេលដែលអ្នកបានជួបនឹងនរណាម្នាក់ ដែលអ្នកមានអារម្មណ៍ថា គេជាមនុស្សម្នាក់ដ៏ពិសេសធ្វើឲ្យអ្នកលួចស្រលាញ់ (Crush) នោះ អ្នកតែងចង់បានម្នាក់នោះជាគូស្នេហ៍របស់អ្នក។ ប៉ុន្តែដើម្បីធ្វើឲ្យមនុស្សដែលអ្នកលួចស្រលាញ់ គេស្រលាញ់អ្នកវិញ តើអ្នកគួរធ្វើយ៉ាងណា? ចង់ដឹងច្បាស់ សូមមើលវិធីសាស្ត្រ៩យ៉ាងខាងក្រោម៖
១. កែប្រែខ្លួនអ្នកឲ្យល្អបំផុត៖ អ្នកត្រូវធ្វើខ្លួនឲ្យសមរម្យ ដែលអាចធ្វើឲ្យគេលង់ស្នេហ៍បាន ដូចជាថែរក្សាខ្លួនប្រាណឲ្យបានល្អ, ធ្វើសកម្មភាពអ្វីល្អៗ កុំនៅតែក្នុងបន្ទប់ មើលតែទូរទស្សន៍ ឬកុំព្យូទ័រ..។ ជាពិសេសគឺត្រូវធ្វើជាមនុស្សល្អ ដោយមានទម្លាប់ល្អៗ ធ្វើឲ្យគេចូលចិត្ត។
២. ត្រូវប្រាកដថា គេជាមនុស្សដ៏ត្រឹមត្រូវ៖ អ្នកត្រូវតែប្រាកដក្នុងចិត្តខ្លួនឯងថា បុរសម្នាក់ ឬនារីម្នាក់ដែលអ្នកលួចស្រលាញ់ចង់បាននោះ គឺជាមនុស្សដែលអាចរស់នៅមានសេចក្ដីសុខជាមួយគ្នា បានយូរអង្វែង ឬអត់។
៣. ព្យាយាមស្គាល់គេឲ្យបានច្រើន៖ អ្នកត្រូវតែស្វែងយល់ពីមនុស្សដែលអ្នកលួចស្រលាញ់ឲ្យបានច្រើន បំផុត និងត្រូវដឹងពីក្ដីសង្ឃឹម និងគោលបំណងរបស់គេក្នុងជីវិតផងដែរ។
៤. ត្រូវដឹងពីចំណូលចិត្ត និងភាពងប់ងុលរបស់គេ៖ តើគាត់ ឬនាងពេញចិត្ត និងមានចំណង់ចំណូលចិត្តលើអ្វីជាងគេ? បើអ្នកដឹងច្បាស់ អ្នកអាចធ្វើអ្វីទាក់ទងនឹងអ្វីដែលគេចូលចិត្ត នោះគេនឹងមានអារម្មណ៍ល្អៗ។
៥. ជួយលើកទឹកចិត្ត ពេលគេជួបរឿងមិនល្អ៖ នៅពេលរូបគេ មានរឿងពិបាកចិត្តខ្លាំង ហើយអ្នកអាចជួយលើកទឹកចិត្ត ជួយដោះស្រាយបញ្ហា គេនឹងចងចាំរូបអ្នក និងមានអារម្មណ៍ថា អ្នកគឺជាមនុស្សម្នាក់សំខាន់សម្រាប់គេ។
៦. ជួយគេនូវអ្វីដែលគេចង់ធ្វើ៖ ជួយមនុស្សដែលអ្នកលួចស្រលាញ់ ឲ្យគេធ្វើអ្វីៗដែលគេស្រលាញ់ និងទុកពេលឲ្យគេ និងមិនត្រូវជំទាស់ ឬចង់ផ្លាស់ប្ដូរអ្វីដែលគេចង់ធ្វើឡើយ។ អ្នកត្រូវតែជួយលើកទឹកចិត្ត និងផ្ដល់ដំបូន្មានល្អៗដល់គេជានិច្ច។
៧. បង្ហាញឲ្យគេឃើញថា អ្នកជាមនុស្សអស្ចារ្យ៖ បង្ហាញពីជំនាញអ្វីមួយដែលអ្នកស្រលាញ់ និងធ្វើបានល្អបំផុតឲ្យគាត់ ឬនាងបានឃើញថា អ្នកជាមនុស្សពូកែ និងគួរឲ្យចាប់អារម្មណ៍។
៨. ទុកពេលវេលាខ្លះដល់គេ៖ អ្នកត្រូវយល់ថា គាត់ឬនាង ក៏ត្រូវការពេលផ្ទាល់ខ្លួនខ្លះ ដូច្នេះមិនត្រូវព្យាយាមក្បែរគេ ឬជួបគេញឹកញាប់ពេកទេ។ បើរូបគេយល់ថា រូបគេមានអារម្មណ៍ល្អ និងមានរូបអ្នកជួយគាំទ្រគេជានិច្ច នោះគាត់ឬនាង អាចនឹងលង់ស្នេហ៍លើអ្នក។
៩. បង្កើតជំនឿចិត្តរវាងអ្នកទាំងពីរ៖ ជំនឿចិត្តជារឿងសំខាន់បំផុតមួយ ដើម្បីយកឈ្នះបេះដូង ដែលអ្នកលួចស្រលាញ់។ អ្នកត្រូវជឿលើគេ ហើយត្រូវធ្វើទង្វើដែលធ្វើឲ្យគេជឿជាក់លើអ្នកវិញ។ ឧទាហរណ៍៖ ពេលគាត់ឬនាងប្រាប់រឿងសំងាត់អ្វី អ្នកត្រូវលាក់មិនត្រូវនិយាយប្រាប់អ្នកផ្សេង ធ្វើឲ្យរូបគេខ្មាសគេឡើយ បើពុំនោះទេ គេនឹងអស់ជំនឿលើអ្នក៕
ប្រភព៖ health
ចំនួនអ្នកទស្សនា
- ថ្ងៃនេះ1821
- ម្សិលមិញ15191
- សប្តាហ៍នេះ44971
- ខែនេះ66851
- ឆ្នាំនេះ66851
- សរុប20509307