ពិធីភ្ជាប់ពាក្យតារាកំប្លែងស្រីវ័យក្មេង និងស្រស់សោភា គឺកញ្ញា វ៉ាន់ នីឡាបណ្ណាការចំនួន៣ម៉ឺនដុល្លារ
19-May-2016 | ដោយ មែន កំសត់
រាជធានីភ្នំពេញ ៖ ពិធីភ្ជាប់ពាក្យតារាកំប្លែងស្រីវ័យក្មេង និងស្រស់សោភា គឺកញ្ញា វ៉ាន់ នីឡា ជាមួយលោកផន រង្សី បានប្រារព្ធធ្វើនៅគេហដ្ឋានរបស់លោកវ៉ិចទ័រ ស្ថិតក្នុងបុរីពិភពថ្មី នាព្រឹកថ្ងៃទី១៩ ឧសភា ២០១៦ ដោយត្រូវគេដឹងថា ខាងឪពុកម្តាយកូនកំលោះ លោកភី សុគន្ធធី និងភរិយា បានជូនបណ្ណាការចំនួន៣ម៉ឺនដុល្លារ ។
បើតាមលោកវ៉ិ ចទ័របានឱ្យដឹងថា ចំពោះពិធីរៀបមង្គលការកូនស្រីគាត់នោះ គឺនឹងត្រូវរង់ចាំរយៈពេល៣ឆ្នាំទៀត ដោយគាត់អះអាងថា កូនគាត់ទាំង២នាក់នៅក្មេងពេក ហើយការទំនាក់ទំនងរបស់ពួកគាត់ គឺទើបតែបានកន្លះឆ្នាំប៉ុណ្ណោះ ។
គួរបញ្ជាក់ថា កាលពីព្រឹកថ្ងៃទី១៩ ឧសភា ២០១៦ នេះ តារាកំប្លែងវ័យក្មេង និងមានសម្រស់ស្រស់សោភា គឺកញ្ញា វ៉ាន់ នីឡា ជាកូនស្រីរបស់លោកសុវណ្ណ ឫទ្ធី ហៅតាវ៉ិចទ័រ ប្រធានផលិតកម្មវិធីកម្សាន្តរបស់ទូរទស្សន៍ ស៊ីធីអិន និងជាអ្នកគ្រប់គ្រងក្រុមកំប្លែងប្រចាំនៅស៊ីធីអិន បានភ្ជាប់ពាក្យ ជាមួយលោកផន រង្សី ដែលជាកូនប្រុសរបស់លោកភី សុគន្ធធី ម្ចាស់ផលិតកម្ម ភី សុគន្ធធី ល្ខោនបាសាក់ និងតន្ត្រី ។
ចំនួនអ្នកទស្សនា
- ថ្ងៃនេះ6771
- ម្សិលមិញ4461
- សប្តាហ៍នេះ11241
- ខែនេះ33121
- ឆ្នាំនេះ33121
- សរុប20475577