ស៊ិន សំនៀង បង្ហោះរូបស្រាតតាមហ្វេសប៊ុក
14-August-2016 | ដោយ មែន កំសត់
រាជធានីភ្នំពេញ ៖ តារាសម្តែងលោកស៊ិន សំនៀង ធ្វើឲ្យបណ្តាអ្នកលេងហ្វេសប៊ុកជាច្រើនភ្ញាក់ផ្អើលបន្ទាប់ពីលោកបញ្ចេញរូបភាពអាក្រាតកាយលើគ្រែតាមហ្វេសប៊ុកកាលពីពេល ថ្មីៗកន្លងមក ។
រូបភាពដែលលោកស៊ិន សំនៀង បង្ហោះនោះ មើលទៅដូចជារូបភាពកែច្នៃ(កាត់ត) ប៉ុន្តែពេលពិនិត្យឲ្យច្បាស់វាមិនមែនជារូបភាពកាត់តឡើយ ព្រោះបានបង្ហោះក្នុងPage ផ្លូវការរបស់លោក ហើយវាត្រូវបានដកចេញវិញប៉ុន្មាននាទីក្រោយមក ។
គេនៅមិនទាន់ដឹងទេថា រូបភាពស្រាតដេកនៅលើគ្រែតែម្នាក់ឯងដែលលោកស៊ិន សំនៀង បង្ហោះវាគឺជាចេតនារបស់លោក ឬបែបណាទេ បន្ទាប់ពីតារារូបនេះស្ងប់ស្ងាត់ខ្លាំងក្នុងពិភពសិល្បៈនារយៈពេលចុងក្រោយនេះ ។
គេនៅមិនទាន់អាចសន្និដ្ឋានបានច្បាស់លាស់នៅឡើយទេថា រូបភាពអាក្រាតរបស់លោកស៊ិន សំនៀងនោះជាការសម្តែងក្នុងខ្សែភាពយន្ត ឬក៏បទចម្រៀងណាមួយឡើយ ប៉ុន្តែមហាជននិយាយថា រូបភាពបែបនោះមិនត្រូវបង្ហាញជាសាធារណៈទេ ។
មិនអាចស្វែងរកការបកស្រាយណាមួយពីលោកស៊ិន សំនៀង បានទេ ប៉ុន្តែជាការកត់សម្គាល់កន្លងមកមានការចាប់អារម្មណ៍ថា លោកតែងតែបង្ហោះសារ ចម្លែកៗ ហាក់បីដូចជាមនុស្សដែលកំពុងតែបាក់ទឹកចិត្តនៅក្នុងរឿងអ្វីមួយ ។
លោកស៊ិន សំនៀង បានចូលរួមសម្តែងច្រើនក្នុងបទចម្រៀងរបស់ផលិតកម្មហង្សមាស និងរស្មីហង្សមាស ។ លើសពីនេះ លោកបានបង្ហាញវត្តមានក្នុងខ្សែភាពយន្តមួយចំនួនទៀត ប៉ុន្តែក្នុងរយៈពេលចុងក្រោយនេះ លោកហាក់មានភាពស្ងប់ស្ងាត់ជាងមុន ។
ក្នុងអំឡុងឆ្នាំ២០១៣លោកស៊ិន សំនៀង ចាប់ផ្តើមគម្រោងបើកផ្ទះសំណាក់ផ្ទាល់ខ្លួនមួយក្នុងខេត្តសៀមរាប នៅដីឡូត៍មួយដែលលោកបានទិញ ។ គម្រោងមួយនោះបានចាប់ផ្តើមជាមួយការខ្ចីលុយពីធនាគារបន្ថែម ដោយបូកបញ្ចូលពីចំណូលសិល្បៈ និងការរកស៊ីបើក ហាងកាត់ដេរ និងហាងលក់វត្ថុអនុស្សារីយ៍ដែលមានស្រាប់របស់លោក ។ រហូតមកដល់ពេលនេះគេមិនដឹងទេថា ផ្ទះសំណាក់របស់លោកស៊ិន សំនៀងជោគជ័យ ឬយ៉ាងណាឡើយ ខណៈពេលទីផ្សារសិល្បៈរបស់លោកក្នុងដំណាក់កាលចុងក្រោយនេះ ហាក់ស្ងាត់ ៕
ចំនួនអ្នកទស្សនា
- ថ្ងៃនេះ2151
- ម្សិលមិញ2591
- សប្តាហ៍នេះ9171
- ខែនេះ43951
- ឆ្នាំនេះ298891
- សរុប19526337