ពិធីចែកអំណោយជូនប្រជាពលរដ្ឋក្រីក្រ នៅសាលាសង្កាត់ទឹកល្អក់ទី១
05-October-2015 | ដោយ ខ្លុយខ្មែរ-ID-1
ភ្នំពេញ៖ ដោយមើលឃើញពីភាពខ្វះខាតផ្នែកជីវភាព និងដើម្បីចូលរួមដល់ការរំលែកទុក្ខលំបាកមួយចំនួនរបស់ប្រជាពលរដ្ឋ សាលាសង្កាត់ទឹកល្អក់ទី១ បានរៀបចំចែកអំណោយដល់ប្រជាពលរដ្ឋក្រីក្រចំនួន ៤០គ្រួសារ នៅព្រឹកថ្ងៃទី០៤ ខែតុលា ឆ្នាំ២០១៥ ។
អំណោយដ៏ថ្លៃថ្លាទាំងអស់នេះ កើតចេញពីទឹកចិត្តសប្បុរសធម៌របស់ លោក វង្ស វៃ និងភរិយា ព្រមទាំងបុត្រ ដែលមានសេចក្ដីអាណិតដល់ប្រជាពលរដ្ឋមានជីវភាពក្រីក្រលំបាកទាំងអស់នេះ ឲ្យទទួលបាននូវអំណោយមួយចំនួនដើម្បីរំលែកទុក្ខបានខ្លះ ។
ក្នុងគ្រួសារនីមួយៗទទួលបានដូចជា៖ អង្ករ ២០គីឡូក្រាម ទឹកត្រី ៣ដប ប្រេងឆា ១គីឡូ ស្ករស ១គីឡូ ប៊ីចេង ១កញ្ចប់ ( កន្លះគីឡូ ) សារុង១ ត្រីខ១យួរ ទឹកក្រូច ៦កំប៉ុង និងថវិកា ២០,០០០រៀល ព្រមទាំងនំប៉័ងសម្លរការី១កញ្ចប់ ។
ក្នុងនោះដែរ សាលាសង្កាត់ក៏បានចូលរួមចំណែកដោយឧបត្ថម្ភក្នុងមួយគ្រួសារទទួលបាន ៥,០០០រៀល បន្ថែមផងដែរ ៕
ប្រភព៖ ទំព័រសាលាសង្កាត់បឹងសាឡាង
ចំនួនអ្នកទស្សនា
- ថ្ងៃនេះ7731
- ម្សិលមិញ10901
- សប្តាហ៍នេះ23111
- ខែនេះ44991
- ឆ្នាំនេះ44991
- សរុប20487447