លោកជំទាវ លឹម ឈីវហូ និងលោក លី ពូ ដឹកនាំសមាជិកសង្កាត់ទួលស្វាយព្រៃ១សម្អាតបរិស្ថាន
14-November-2015 | ដោយ មួយឡា
ភ្នំពេញ៖ ដើម្បីចូលរួមចំណែកសម្អាត និងថែរក្សាបរិស្ថានក្នុងរាជធានីភ្នំពេញឲ្យកាន់តែមានភាពល្អប្រសើរឡើង នៅព្រឹកថ្ងៃទី ១៤ ខែវិច្ឆកា ឆ្នាំ២០១៥ សាលាសង្កាត់ទួលស្វាយព្រៃ១ បានប្រារព្វពិធី ដើរសម្អាតបរិស្ថានតាមបណ្ដោយផ្លូវលេខ ១៩៣ រហួតដល់ផ្សារអូរឡាំពិច ស្ថិតក្នុងសង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
ពិធីនេះដែរ ប្រារព្វធ្វើឡើងដោយមានការអញ្ជើញចូលរួមពីសំណាក់លោក លី ពូ ចៅសង្កាត់ទួលស្វាយព្រៃ១ លោកប្រធានភូមិ ប្រធានសហភាពសហព័ន្ធយុវជនកម្ពុជា មន្ត្រីសង្កាត់ មន្ត្រីប៉ូលីស ក្រោមការដឹកនាំដោយផ្ទាល់ពីលោកជំទាវឧកញ្ញ៉ា លីម ឈីវហូ ប្រធានក្រុមហ៊ុន ATTWOOD ព្រមទាំងបុគ្គលិកក្រុមហ៊ុន ATTWOOD យ៉ាងច្រើនកុះករផងដែរ។
ឆ្លៀតក្នុងឱកាសនៃការដើរសម្អាតបរិស្ថាននេះ លោកជំទាវ និងលោកចៅសង្កាត់ ក៏បានបានណែនាំដល់អាជីវករដែលលក់ដូរតាមចិញ្ចើមផ្លូវ និងបងប្អូនប្រជាពលរដ្ឋទាំងអស់ ឲ្យនាំគ្នាចូលរួមសហការណ៍ថែរក្សាបរិស្ថាន ដោយការជួយប្រមូលសម្រាមនៅតាមមុខផ្ទះវិចខ្ចប់ឲ្យបានត្រឹមត្រូវ។
ថ្លែងក្នុងឱកាសនេះដែរ លោកចៅសង្កាត់ក៏បានថ្លែងអំណរគុណយ៉ាងជ្រាវជ្រៅចំពោះបងប្អូនទាំងអស់ដែលបានចូលរួមសហការណ៍យ៉ាងសកម្មក្នុងការថែរក្សាបរិស្ថាន ក៏ដូចជាបានចូលរួមក្នុងការជួយថែរក្សាសង្គមជាតិផងដែរ៕
ចំនួនអ្នកទស្សនា
- ថ្ងៃនេះ7011
- ម្សិលមិញ12561
- សប្តាហ៍នេះ34961
- ខែនេះ56841
- ឆ្នាំនេះ56841
- សរុប20499297