ពិធីសំណេះសំណាលជាមួយនិស្សិតក្រីក្រចំនួន២៦០នាក់ មកពីវត្តចំនួន៣ក្នុងខណ្ឌមានជ័យ ក្រោមអធិបតីភាព លោក ប៊ិន ស៊ីនាថ
04-December-2015 | ដោយ មួយឡា
ភ្នំពេញ៖ ជាបន្ដបន្ទាប់ដូចជាភ្លៀងរលឹម សមាគមន៍និស្សិតបញ្ញាវន្ដក្មេងវត្តដែលមានឯកឧត្តមបណ្ឌិត សេង សុវណ្ណារ៉ា ជាប្រធាន ព្រមទាំងសមាជិកអចិន្រៃ្តយ៍ ដែលតែងតែរិះរកមធ្យោបាយដើម្បីសម្រួលទាំងសម្ភារៈ និងស្មារតី ដល់សិស្សនិស្សិតក្រីក្រដែលមកពីបណ្ដាខេត្តនានាមកស្នាក់នៅក្នុងវត្តអាស្រ័យជាមួយនឹងព្រះសង្ឃដើម្បីបន្ដការសិក្សានៅរាជធានីភ្នំពេញ ។
ពិធីសំណេះសំណាល និងសាកសួរសុខទុក្ខប្រកបដោយភាពកក់ក្ដៅបំផុត ជាមួយនឹងសិស្សនិស្សិតក្មេងវត្តចំនួន ២៦០នាក់ ដែលកំពុងស្នាក់នៅក្នុងវត្តចំនួន៣ ក្នុងសង្កាត់ស្ទឹងមានជ័យ ខណ្ឌមានជ័យ បានប្រារព្ធធ្វើឡើងនៅ វត្តសង្ដ្រានតាព្រហ្មស្ទឹងមានជ័យ នារសៀលថ្ងៃទី០៣ ខែធ្នូ ឆ្នាំ២០១៥ ដែលមានការអញ្ជើញចូលរួមពី សមាជិកអចិន្រៃ្តយ៍ លោក អាន ជាលី អគ្គលេខាធិការរង ក្រោមអធិបតីភាព លោក ប៊ិន ស៊ីនាថ អនុប្រធានសមាគមនិស្សិតបញ្ញាវន្តក្មេងវត្ត តំណាង ឯកឧត្តមបណ្ឌិត សេង សុវណ្ណារ៉ា ។
ក្នុងឱកាសនោះដែរ លោក ប៊ិន ស៊ីនាថ តំណាងដ៏ខ្ពង់ខ្ពស់ ឯកឧត្តមបណ្ឌិត សេង សុវណ្ណារ៉ា បាននាំមកនូវការផ្តាំផ្ញើសាកសួរសុខទុក្ខនិងការនឹករលឹកពីសំណាក់ ឯកឧត្តមបណ្ឌិត ហ៊ុន មានិត ។ លើសពីនេះទៅទៀត លោកក៏បានណែនាំដល់សិស្ស និស្សិតអោយខិតខំរៀនសូត្រ គោរព ព្រះសង្ឃចាស់ព្រឹទ្ធាចារ្យ និងគោរពច្បាប់រដ្ឋ គោរពវិន័យក្នុងវត្ត និងធ្វើជាកូនល្អ សិស្សល្អ មិត្តល្អ យុវជនល្អនឹងក្មេងវត្តល្អសំរាប់សង្គមជាតិ ។ ទន្ទឹមនេះយុវជនត្រូវតែចេះស្រឡាញ់រាប់អាន សាមគ្គីគ្នា និងជួយយកអាសារគ្នាទៅវិញទៅមក ប្រកបដោយអត្តចរិកថ្លៃថ្នូរសុភាពរាបសារ ប្រព្រឹត្តអំពើសុច្ចរិតទៀងត្រង់ និង មានការទទួលខុសត្រូវខ្ពស់។
ទាំងយុវជនគាំទ្រគណបក្សប្រជាជន និង បក្សប្រឆាំងគឺសុទ្ឋតែជាយុវជនខ្មែរតែមួយ មិនត្រូវស្អប់គំគួនគ្នាដោយជំនឿនយោបាយ ឬ ដោយសារការលាបពណ៌និង ញុះញង់ពីបក្សប្រឆាំងឡើយ។ លោក ក៏បានបញ្ជក់បន្ថែមទៀតថា សម្តេចតេជោ ហ៊ុន សែន គឺជាវីរៈភាពដឹកនាំប្រទេសដ៏គំរូ ដែលតែងតែស្រឡាញ់យុវជនគ្រប់គ្នា ដោយមិនប្រកាន់និន្នាការនយោបាយអ្វីឡើយ ។ យើងរួបរួមគ្នានៅជុំវិញ សម្តេចតេជោ ដើម្បីកសាងអភិវឌ្ឍន៍កម្ពុជាអោយកាន់តែរីកចម្រើនរុងរឿងថ្កើងថ្កានទៅមុខជារៀងរហូត។ លើសពីការជួបសាកសួរសុខទុក្ខ និងសំណេះសំណាល លោក ក៏បានថ្លែងអំណរគុណដល់ព្រះសង្ឃដែលផ្ដល់ទីកន្លែងសម្រាប់ការជួប ជុំគ្នា និងបានប្រគេនបច្ច័យដល់ព្រះសង្ឃ ហើយចែកអង្ករមួយចំនួនដល់សិស្សនិស្សិតក្រីក្រចំនួន ២៦០នាក់ផងដែរ៕
ចំនួនអ្នកទស្សនា
- ថ្ងៃនេះ11901
- ម្សិលមិញ12561
- សប្តាហ៍នេះ39851
- ខែនេះ61731
- ឆ្នាំនេះ61731
- សរុប20504187