កិច្ចប្រជុំផ្សព្វផ្សាយស្ដីពី ការអនុវត្តគោលនយោបាយ ភូមិ-សង្កាត់ មានសុវត្តិភាព របស់សាលាសង្កាត់មនោរម្យ
08-December-2015 | ដោយ មួយឡា
ភ្នំពេញ៖ ដោយអនុវត្តតាមគោលនយោបាយរបស់រាជរដ្ឋាភិបាល ដើម្បីរក្សានូវ សន្តិសុខ និងសុវត្ថិភាពជូនប្រជាពលរដ្ឋ នារសៀលថ្ងៃទី០៧ ខែធ្នូ ឆ្នាំ២០១៥ បានរៀបចំប្រជុំផ្សព្វផ្សាយ ស្ដីពី ការអនុវត្តគោលនយោបាយ ភូមិ-សង្កាត់ មានសុវត្តិភាព នៅសាលាសង្កាត់មនោរម្យ ស្ថិតក្នុងសង្កាត់មនោរម្យ ខណ្ឌ៧មករា រាជធានីភ្នំពេញ ។
នាឱកាសនេះ មានការអញ្ជើញចូលរួមពីសំណាក់ លោក កែវ សារិន ចៅសង្កាត់រងទី២ លោក ខែម សំអាង នាយរងប៉ុស្ដិ៍ លោកស្រី នាង ផុន មេភូមិ១ លោកស្រី អ៊ឹង យក់ឡាង មេភូមិ២ លោក-លោកស្រី អនុភូមិ និងសមាជិកភូមិ១ និងភូមិ២ ព្រមទាំងប្រជាពលរដ្ឋចូលរួមសរុបចំនួន ៣០នាក់ ស្រី ២៣នាក់ ក្រោមអធិបតីភាព លោកស្រី ស៊ូ គឹមឡេង ចៅសង្កាត់រងទី១ នៃសង្កាត់មនោរម្យ ។
ក្នុងឱកាសនោះដែរ លោកស្រី ស៊ូ គឹមឡេង បានមានប្រសាសន៍ ជំរុញអោយបងប្អូនប្រជាពលរដ្ឋក្នុងមូលដ្ឋាន លើកឡើងពីបញ្ហាអសកម្ម មួយចំនួនដែលកើតមានក្នុងសង្កាត់ ដើម្បីងាយស្រួលក្នុងការសម្របសម្រួល និងដោះស្រាយ ។
ជាការឆ្លើយតប ប្រជាពលរដ្ឋទាំងអស់បានសំណូមពរពាក់ព័ន្ធទៅលើបញ្ហាមួយចំនួនដូចជា៖ បញ្ហាបិទច្រកជណ្ដើរផ្ទះលេខ១៨E2 ផ្លូវលេខ១០៧ ភូមិ២ និងម្លុកអង្គរមានជ័យ ជញ្ជាំងមានដុះដើមពោធិ៍ ភូមិ១ និងបញ្ហាផ្ទះលេខ១៤៣E4 មានលេងល្បែងស៊ីសង ក្នុងភូមិ១ និងបញ្ហាដាក់ម៉ូតូនៅច្រកជណ្ដើរឡើងចុះនៅអង្គរមានជ័យ ភូមិ១ ភូមិ២ ព្រមទាំងបានពិភាក្សាទៅលើបញ្ហាផ្សេងៗមួយចំនួនទៀត ។
ជាចុងក្រោយ លោកស្រី ស៊ូ គឹមឡេង បានមានប្រសាសន៍ថ្លែងអំណរគុណដល់ប្រជាពលរដ្ឋទាំងអស់ដែលបានចូលរួម សហការណ៍អនុវត្ត នូវគោលនយោបាយរបស់រាជរដ្ឋាភិបាល ភូមិ-សង្កាត់ មានសុវត្ថិភាព និងជួនពរអោយប្រជាពលរដ្ឋទាំងអស់ ជួបតែសេចក្ដីសុខគ្រប់ក្រុមគ្រួសារ ហើយបានសន្យាថានឹងធ្វើការសហការដោះស្រាយជាមួយនឹងបញ្ហាពាក់ព័ន្ធដើម្បីធានាបាននូវសុខសុវត្ថិភាពជូនប្រជាពលរដ្ឋនៅក្នុងមូលដ្ឋាន៕
ប្រភព៖ ទំព័រសាលាសង្កាត់មនោរម្យ
ចំនួនអ្នកទស្សនា
- ថ្ងៃនេះ2531
- ម្សិលមិញ15191
- សប្តាហ៍នេះ45681
- ខែនេះ67561
- ឆ្នាំនេះ67561
- សរុប20510017