ក្រុមប្រឹក្សខណ្ឌសែនសុខ បើកកិច្ចប្រជុំសាមញ្ញលើកទី១៩ អាណត្តិទី២
29-December-2015 | ដោយ មួយឡា
ភ្នំពេញ៖ នៅព្រឹកថ្ងៃទី២៩ ខែធ្នូ ឆ្នាំ២០១៥ ក្រុមប្រឹក្សាខណ្ឌសែនសុខ បានបើកកិច្ចប្រជុំសាមញ្ញលើកទី១៩ អាណត្តិទី២ ក្រោមអធិបតីភាពលោក អ៊ូវ ឡៃយ៍ ប្រធានក្រុមប្រឹក្សាខណ្ឌសែនសុខ និងលោក ទៀវ សំអឿន អភិបាលរងខណ្ឌសែនសុខតំណាងលោក លី សាវេត អភិបាល នៃគណៈអភិបាលខណ្ឌ និងមានការអញ្ជើញចូលរួម ពីសមាជិកសមាជិកាក្រុមប្រឹក្សាខណ្ឌ ចៅសង្កាត់ប្រធានការិយាល័យ សរុបសមាជិកអង្គប្រជុំសរុបចំនួន ៥៥រូប ។
ពិធីនេះ ប្រារព្ធធ្វើឡើងដោយមានរបៀបវារៈនៃអង្គប្រជុំចំនួន ០៦ចំណុចដូចជា៖ ១-ពិនិត្យ និងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញ លើកទី១៨ របស់ក្រុមប្រឹក្សាខណ្ឌ។ ២-ពិនិត្យ និងអនុម័តលើតារាងផែនការសកម្មភាព និងគម្រោងថវិកា របស់គណៈកម្មាធិការពិគ្រោះយោបល់ស្ត្រី និងកុមារខណ្ឌ ប្រចាំឆ្នាំ២០១៦។ ៣-ពិនិត្យ និងអនុម័តលើសេចក្តីព្រាងសេចក្តីសម្រេច ស្តីពីការកែ សម្រួលសមាសភាពគណៈកម្មាធិការលទ្ធកម្មខណ្ឌ។
ចំណែកឯទី៤- ពិនិត្យ និងអនុម័តសំណើបែងចែកប្រាក់រង្វាន់លើកទឹកចិត្តដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្រី្ត បុគ្គលិកនៃរដ្ឋបាលខណ្ឌប្រចាំខែវិច្ឆិកា ឆ្នាំ២០១៥។ ទី៥-ស្តាប់របាយការណ៍ របស់ការិយាល័យប្រជាពលរដ្ឋ និងរបាយការណ៍របស់គណៈកម្មាធិការនានារបស់ក្រុមប្រឹក្សាខណ្ឌ និងទី៦- បញ្ហាផ្សេងៗមួយចំនួនទៀត ។
អង្គប្រជុំបានដំណើរការតាមរបៀបវារៈប្រកបដោយភាពរីករាយ បន្ទាប់មកលោក អ៊ូវ ឡៃយ៍ ប្រធានក្រុមប្រឹក្សាខណ្ឌបានមានមតិបន្ថែមនិងសំណូមពរដល់សមត្ថកិច្ច និងអាជ្ញាធរ ខណ្ឌសង្កាត់បង្កើនការយកចិត្តទុកដាក់លើការងារសន្តិសុខសណ្ដាប់ធ្នាប់ជូនប្រជាពលរដ្ឋនៅតាមភូមិ សង្កាត់នីមួយៗឲ្យបានល្អប្រសើរ និងបង្កាបង្ក្រាបទប់ស្កាត់បទល្មើសទាំងឡាយដែលកើតមានទទួលផលជាវិជ្ជមាន។
លោកប្រធានក្រុមប្រឹក្សាខណ្ឌក៏បានថ្លែងអំណរគុណចំពោះសមាជិកសមាជិកានិងអ្នកដែលពាក់ព័ន្ធទាំងអស់ដែលបានចំណាយពេលចូលរួមកិច្ចប្រជុំនាពេលនេះប្រកបដោយភាពកក់ក្ដៅនិងការទទួលខុសត្រួវខ្ពស់៕ ដោយ មែន កំសត់
ចំនួនអ្នកទស្សនា
- ថ្ងៃនេះ3681
- ម្សិលមិញ2941
- សប្តាហ៍នេះ6631
- ខែនេះ26681
- ឆ្នាំនេះ1009901
- សរុប20237347