ក្រុមប្រឹក្សាខណ្ឌ៧មករា បើកកិច្ចប្រជុំសាមញ្ញលើកទី១៩ អាណត្តិទី២
30-December-2015 | ដោយ មួយឡា
ភ្នំពេញ៖ នៅវេលាម៉ោង ៨និង៣០នាទីព្រឹក ថ្ងៃទី៣០ ខែធ្នូ ឆ្នាំ២០១៥ នៅសាលាខណ្ឌ៧មករា បានបើកកិច្ចប្រជុំសាមញ្ញលើកទី១៩ របស់ក្រុមប្រឹក្សាខណ្ឌ៧មករា អាណត្តិទី២ ក្រោមអធិបតីភាពលោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក លឹម សុភា អភិបាល នៃគណៈអភិបាលខណ្ឌ៧មករា ព្រមទាំងមានការចូលរួមពីលោក លោកស្រីជាសមាជិកក្រុមប្រឹក្សាខណ្ឌ ប្រធានការិយាល័យចំណុះខណ្ឌ អធិការនគរបាល អាវុធហត្ថខណ្ឌ ចៅសង្កាត់និងមន្ត្រីដែលពាក់ព័ន្ធច្រើននាក់ទៀត។
កិច្ចប្រជុំធ្វើឡើងដោយមានរបៀបវារៈដូចជា៖ ១- ឆ្លង និង អនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី១៨ (៣០-១១-២០១៥) របស់ក្រុមប្រឹក្សា ខណ្ឌ៧មករាអាណត្តិទី២។ ២-ឆ្លង និង អនុម័តសេចក្តីព្រាងកំណត់ហេតុនៃកិច្ចប្រជុំវិសាមញ្ញលើកទី៣ (០៩-១២-២០១៥) របស់ក្រុមប្រឹក្សា ខណ្ឌ៧មករាអាណត្តិទី២។ ៣-ពិនិត្យ និង អនុម័តសេចក្តីព្រាងរបាយការណ៍បូកសរុបលទ្ធផលការងារប្រចាំខែធ្នូ ឆ្នាំ២០១៥ របស់រដ្ឋបាលខណ្ឌ៧មករា។ ៤-ពិនិត្យ និង អនុម័តសេចក្តីព្រាងរបាយការណ៍បូកសរុបលទ្ធផលការងារប្រចាំឆ្នាំ២០១៥ របស់រដ្ឋបាលខណ្ឌ៧មករា។
ចំណែករបៀបវារៈបន្ដទៀតគឺ ៥- ឆ្លង និងអនុម័តការបែងចែកប្រាក់រង្វាន់លើកទឹកចិត្ត ជូនមន្ត្រីរាជការនៃរដ្ឋបាលខណ្ឌ៧មករាប្រចាំខែវិច្ឆិកា និង ខែធ្នូ ឆ្នាំ២០១៥។ ៦-ពិនិត្យ និង អនុម័តសេចក្តីព្រាងរបាយការណ៍អនុវត្តកិច្ចលទ្ធកម្មឆ្នាំ២០១៥របស់រដ្ឋបាលខណ្ឌ៧មករា។ ៧-ពិនិត្យ និង អនុម័តសេចក្តីព្រាងផែនការលទ្ធកម្មឆ្នាំ២០១៦របស់រដ្ឋបាលខណ្ឌ៧មករា។ ៨-ពិនិត្យ និង អនុម័តសេចក្តីសំរេចស្តីពីការបែងចែកតួនាទី ភារកិច្ចនិងរបៀបរបបធ្វើការរបស់គណៈអភិបាលខណ្ឌ៧មករា និងទី៩ បញ្ហផ្សេងៗមួយចំនួនទៀត ។
កិច្ចប្រជុំបានដំណើការតាមរបៀបវារៈដែលបានគ្រោងទុក បន្ទាប់មក លោក សោម សុវណ្ណ ប្រធានក្រុមប្រឹក្សាខណ្ឌបានមានមតិនិងស្នើសុំដល់អាជ្ញាធរគ្រប់លំដាប់ថ្នាក់ ខិតខំបន្តការយកចិត្តទុកដាក់ក្នុងកិច្ចការពារសន្តិសុខសណ្ដាប់ ជូនប្រជាពលរដ្ឋនៅតាមមូលដ្ឋាន ព្រោះថាថ្មីៗនេះមានកើតឡើងសកម្មភាពបទល្មើសគួរឲ្យកត់សំគាល់ តែត្រូវសមត្ថកិច្ចអគ្គស្នងការនគរបាលជាតិនិងកងរាជអាវុធហត្ថ សហការបង្កានិងបង្រាបបានទាន់ពេលនិងចាប់ជនល្មើសបញ្ជូនទៅសាលាដំបូងចាត់វិធានការតាននិតិវិធីច្បាប់ ។ បន្ទាប់មក លោកប្រធានក្រុមប្រឹក្សាខណ្ឌបានថ្លែងអំណរគុណចំពោះសមាជិកសមាជិកាទាំងអស់ដែលបានចំណាយពេលក្នុងកិច្ចប្រជុំប្រកបដោយការយកចិត្តទុកដាក់និងការទទួលខុសត្រូវខ្ពស់៕ ដោយ មែន កំសត់
ចំនួនអ្នកទស្សនា
- ថ្ងៃនេះ3701
- ម្សិលមិញ2941
- សប្តាហ៍នេះ6651
- ខែនេះ26701
- ឆ្នាំនេះ1009921
- សរុប20237367