ឯកឧត្តម លូ គឹមឈុន ប្រគល់សំភារៈនិងថវិកាជូនគ្រូសាររងគ្រោះដោយអំពើឃាតកម្មនៅខេត្តព្រះសីហនុ
30-December-2015 | ដោយ មួយឡា
ព្រះសីហនុ៖ នៅព្រឹកថ្ងៃទី ៣០ ខែធ្នូ ឆ្នាំ២០១៥ ឯកឧត្តម លូ គឹមឈុន ប្រធានគណៈកម្មាធិការសាខាកាកបាទក្រហមខេត្តព្រះសីហនុ បានដឹកនាំសមាជិក សមាជិកាសាកសួរសុខទុក្ខ និងផ្តល់អំណោយមនុស្សធម៌ដល់ជន រងគ្រោះដោយសារអំពើឃាតកម្ម។
សូមបញ្ជាក់ថា កាលពីថ្ងៃទី ២៩ ខែធ្នូ ឆ្នាំ ២០១៥ វេលាម៉ោង១និង៣០នាទីរំលងអាធ្រាតមានករណី ឃាតកម្មមួយកើតឡើងនៅក្រុមទី ២១ ភូមិ ១ សង្កាត់លេខ១ ក្រុងព្រះសីហនុ លើក្រុមគ្រួសារលោកស្រី តូច សំអុន អាយុ ៦៥ឆ្នាំនិងកូនៗក្នុងបន្ទុកចំនួន ៦នាក់ ក្នុងនោះមានមនុស្សរងរបួសធ្ងន់ ៤នាក់ទាំងម្តាយខាងលើ និងរបួសស្រាល ២នាក់ ចំណែកកូនតូចអាយុ ១ឆ្នាំ ពុំមានរបូសទេ ។
ក្នុងនោះដែរ គណៈកម្មាធិការសាខាកាកបាទក្រហមខេត្តព្រះសីហនុ ក៏បានយកអំណោយមកជូនក្រុមគ្រួសាររងគ្រោះរួមមាន៖ ឃីត០៣កញ្ចប់ កន្ទេល០៣ មី០១កេស ទឹកដោះគោឆៅ០២ឡូ ទឹកផ្លែឈើ ០១កេស ទឹកសុទ្ធ ០១កេស ស្ករស០១គីឡូក្រាម ក្រូចពោធិ៍សាត់ ០២ឡូ និងថវិកា ២ ០០០ ០០០រៀល(ពីរលាន)។
ឯកឧត្តម លូ គឹមឈុន បានសម្តែងក្តីអាណិតអាសូរយ៉ាងខ្លាំងរហូតដល់ហូរទឹកភ្នែក អាណិតក្មេង ដែលជួបរឿងរ៉ាវដ៏សាហាវមួយនេះ។ ឯកឧត្តមក៏ពាំនាំនូវក្តីនឹករលឹកចូលរួមរំលែកទុក្ខ និងក្តីអាណិតអាសូរក្រៃលែងពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាផងដែរ។ ឯកឧត្តមក៏បានថ្លែងអំណរគុណយ៉ាងជ្រាលជ្រៅដល់ក្រុមគ្រូពេទ្យ ថ្នាក់ដឹកនាំមន្ទីរពេទ្យដែលបានយកចិត្តទុកដាក់ព្យាបាលដល់អ្នករងគ្រោះទាំងអស់នេះ មិនគិតពីពេលវេលា និងកម្លាំងកាយចិត្តឡើយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ4331
- ម្សិលមិញ2941
- សប្តាហ៍នេះ7281
- ខែនេះ27331
- ឆ្នាំនេះ1010551
- សរុប20237997