គណៈបញ្ជាការឯកភាពខណ្ឌទួលគោក ចុះធ្វើកិច្ចសន្យានៅតាមហាងបញ្ចាំស៊ីគ្រឿងគ្រប់ប្រភេទ
31-December-2015 | ដោយ មួយឡា
ភ្នំពេញ៖ តាមរបាយការណ៍របស់សាលាសង្កាត់ទឹកល្អក់ទី៣បានអោយដឹងថា មកទល់នឹងថ្ងៃទី ៣០ ខែធ្នូ ឆ្នាំ២០១៥ នេះចាប់តាំងពីគ្រប់សង្កាត់បានអនុវត្តន៍វិធានការដ៏ក្តៅ ដឹកនាំដោយ លោក សាំង សុភៈវិចិត្រ អភិបាលរងខណ្ឌទួលគោកតាមការចង្អុលបង្ហាញរបស់គណៈបញ្ជាការឯកភាពរដ្ឋបាលខណ្ឌ ដោយមានការសហការជាមួយចៅសង្កាត់ ចៅសង្កាត់រង ប៉ុស្តិ៍នគរបាលនិងកងកំលាំងប្រជាការពារ ចុះធ្វើកំណត់ហេតុនិងកិច្ចសន្យានៅតាម ហាងបញ្ចាំស៊ីគ្រឿងលើសំភារៈគ្រប់ប្រភេទ នៅក្នុងសង្កាត់ទាំងអស់ក្នុងខណ្ឌទួលគោក ។
ការចុះធ្វើកំណត់ហេតុនិងកិច្ចសន្យានេះ ដើម្បីការបង្ការទប់ស្កាត់នូវរាល់បទល្មើសឆក់ប្លន់ ជារួមពិនិត្យឃើញថាម្ចាស់ហាងបញ្ចាំទាំងអស់ខាងលើបានចូលរួមអនុវត្តន៍តាម គោលការណ៍របស់អាជ្ញាខណ្ឌនិងគណៈបញ្ជាការឯកភាពរដ្ឋបាលខណ្ឌ ដែលមានលោកអភិបាលខណ្ឌជាប្រធាន និងមានលោកអភិបាលរងខណ្ឌ ជាសេនាធិការ។
សកម្មភាពចុះប្រតិបត្តិការ អនុវត្តន៍គឺផុតពេលម៉ោងការងាររដ្ឋបាល និងបានបញ្ឈប់ត្រឹមម៉ោង ៧ យប់ជារៀងរាល់ថ្ងៃ។ យោងតាមលទ្ធផលនៃការចុះប្រតិបត្តិការសំរេចបាន៧០% ទៅ ៨០% ហើយអត្រានិងសកម្មភាពបញ្ចាំនៅក្នុងខណ្ឌក៏មានការថយចុះជាលំដាប់៕ ដោយ មែន កំសត់
ចំនួនអ្នកទស្សនា
- ថ្ងៃនេះ4371
- ម្សិលមិញ2941
- សប្តាហ៍នេះ7321
- ខែនេះ27371
- ឆ្នាំនេះ1010591
- សរុប20238037