នគរបាលជំនាញស្រុកកោះសូទិនចុះធ្វើអត្តសញ្ញាណប័ណ្ណជូនប្រជាពលរដ្ឋនៅភូមិទំពូង
05-January-2016 | ដោយ មួយឡា
កំពង់ចាម៖ នៅព្រឹកថ្ងៃទី0៥ ខែមករា ឆ្នាំ២០១៦ មន្ត្រីនគរបាលជំនាញផ្នែកស្ថិតិអត្តសញ្ញាណប័ណ្ណស្រុកកោះសូទិនបានសហការជាមួយប៉ុស្តិ៍នគរបាលរដ្ឋបាលឃុំល្វេ បានចុះផ្ដល់អត្តសញ្ញាណប័ណ្ណជូនប្រជាពលរដ្ឋនៅភូមិទំពូងឃុំល្វេ ស្រុកកោះសូទិន ខេត្តកំពង់ចាម។
បើយោងតាមការបញ្ជាក់របស់លោក ឈាវ ស៊ីណូ នាយប៉ុស្តិ៍នគរបាលរដ្ឋបាលល្វេបានឲ្យដឹងថា ការអនុវត្តន៍នៃការធ្វើអត្តសញ្ញាណប័ណ្ណជូនប្រជាពលរដ្ឋនៅក្នុងឃុំល្វេ យោងតាមផែនការណែនាំរបស់ថ្នាក់ស្រុក គឺមានរយៈពេលខ្លីណាស់ហើយមុខសញ្ញាត្រូវផ្ដល់មានដូចជា ប្រជាពលរដ្ឋដែលមានអត្តសញ្ញាណប័ណ្ណហួសសុពលភាព (ផុតកំណត់) អ្នកបាត់ ខូច អ្នកទើបគ្រប់អាយុគិតត្រឹមថ្ងៃដែលសមត្ថកិច្ចចុះផ្ដល់ អ្នកពុំធ្លាប់ធ្វើពីមុនមក ដោយត្រូវបង់តំលៃសេវាតាមអនុក្រឹត្យនិងប្រកាសណែនាំរបស់ក្រសួងមហាផ្ទៃ បានកំណត់ ។
សូមបញ្ជាក់ថាចំពោះប្រជាពលរដ្ឋដែលមកធ្វើ ត្រូវភ្ជាប់មកនូវឯកសាររួមមាន សំបុត្របញ្ជាក់កំណើត សៀវភៅគ្រួសារ និងឯកសារផ្សេងៗទៀតដែលបញ្ជាក់អំពីអត្តសញ្ញាណសំគាល់។ លោកនាយប៉ុស្តិ៍ក៏សូមជូនដំណឹងចំពោះប្រជាពលរដ្ឋដែលរស់នៅក្នុងឃុំល្វេ ពិសេសប្រជាពលរដ្ឋនៅភូមិទំពូង ដែលពុំទាន់បានធ្វើ អញ្ជើញរួសរាន់ចូលរួមមកធ្វើតាមការផ្សព្វផ្សាយខាងលើកុំបីខានឡើយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ4011
- ម្សិលមិញ2941
- សប្តាហ៍នេះ6961
- ខែនេះ27011
- ឆ្នាំនេះ1010231
- សរុប20237677