ពិធីប្រកាសបើកការដ្ឋានសាងសង់ផ្លូវបេតុង នៅស្រុកស្រីសន្ធរ ខេត្តកំពង់ចាម ក្រោមអធិបតីភាព ឯកឧត្តម លន់ លឹមថៃ
14-January-2016 | ដោយ មួយឡា
កំពង់ចាម៖ ពិធីប្រកាសបើកការដ្ឋានសាងសង់ផ្លូវ បេតុងប្រវែង ១១៦០០ម៉ែត្រស្ថិតក្នុងកោះអណ្ដែត និង ឃុំព្រែករំដេង ស្រុកស្រីសន្ធរ ខេត្តកំពង់ចាម ដែលជាសមិទ្ធផលថ្មីនៅដើមឆ្នាំ២០១៦នេះ របស់រាជរដ្ឋាភិបាល និង ប្រជាជននៅក្នុងស្រុកស្រីសន្ធរ។
នៅថ្ងៃទី ១៤ ខែ មករា ឆ្នាំ២០១៦ នេះ នៅក្នុងឃុំកោះអណ្ដែត និង ឃុំព្រែករំដេង ស្រុកស្រីសន្ធខេត្តកំពង់ចាម បានប្រារព្វពិធីប្រកាសបើកការដ្ឋានសាងសង់ផ្លូវមួយកន្លែងប្រវែង ១១៦០០ម៉ែត្រ ដែលជាសមិទ្ធផលថ្មីនៅដើមឆ្នាំ២០១៦នេះរបស់រាជរដ្ឋាភិបាល និង ប្រជាជននៅក្នុងស្រុកស្រីសន្ធរនេះ។ កម្មវិធីនេះដែរ បានប្រារព្ធឡើងក្រោមអធិបតីភាពដ៏ខ្ពង់ខ្ពស់ របស់ ឯកឧត្តម លន់ លឹមថៃ អភិបាលនៃគណៈអភិបាលខេត្តកំពង់ចាម និង ឯកឧត្តម លូ គឹមឈន់ ប្រធានអគ្គនាយកកំពង់ផែស្វ័យតព្រះសីហនុ និងជាប្រធានការងារថ្នាក់កណ្តាលចុះជួយស្រុកស្រីសន្ធរ លោកអភិបាលស្រុក លោក លោកស្រី មន្ត្រីនៃមន្ទីរជំនាញពាក់ពន្ធ័ និងប្រជាពលរដ្ឋ លោកគ្រូអ្នកគ្រូ ជាច្រើនកុះករផងដែរ។
ក្នុងឱកាសនោះផងដែរលោក ហេង វណ្ណនី អភិបាលនៃគណៈអភិបាលស្រុកស្រីសន្ធរក៏បាន ធ្វើរបាយការណ៍សង្ខេប ដែលមានខ្លឹមសារដូចតទៅ៖ អំឡុងខែឧសភា និង មិថុនា ២០១៤ ដោយមានការយកចិត្តទុកដាក់ពីឯកឧត្តម លន់ លឹមថៃ អភិបាលខេត្តកំពង់ចាមបានធ្វើការជួសជុលឈូសឆាយលុបសំបុកមាន់ កំណាត់ផ្លូវពីស្ពានព្រែកតាកុច មកសាលាស្រុក កាត់តាមឃុំឬស្សីស្រុក ឃុំស្វាយសាច់ភ្នំ ឃុំព្រែកដំបូក ឃុំផ្ទះកណ្តាល និង ឃុំព្រែកពោធិ៍ តាមរយៈមន្ទីរសាធារណការ និងដឹកជញ្ជូន ខេត្តកំពង់ចាម មានប្រវែង ១៤,៨៣៦ម៉ែត្រ។
ដោយឡែកថ្ងៃនេះ សម្តេចអគ្គមហាសេនាបតីតេជោ ហ៊ុន សែន បានផ្តល់នូវផ្លូវ ១ខ្សែ ប្រវែង ១១,៦០០ ម៉ែត្រ ដែលស្ថិតក្នុងឃុំកោះអណ្តែត និង ឃុំព្រែករំដេងក្នុងនោះមានផ្លូវ បេតុង ប្រវែង ១១២០ ម៉ែត្រ និងគ្រោះក្រហម ប្រវែង ១០,៤៨០ម៉េត្រដែលជា សមិទ្ធផលថ្មីរបស់រាជរដ្ឋាភិបាលកម្ពុជា នាដើមឆ្នាំ ២០១៦ នេះ។ លោកបាន បន្តទៀតថា ការកសាងផ្លូវ មួយខ្សែនេះគឺមានការគាំទ្រនិងសារទរពីសំណាក់ប្រជាពលរដ្ឋទូទាំងស្រុកស្រីសន្ធរទាំងមូលផងដែរ ព្រោះថាផ្លូវមួយនេះវាអាចជួយសម្រូល ដល់កាធ្វើដំណើររបស់ពួកគាត់ឲ្យកាន់តែមានភាពងាយស្រួល និងសុវត្ថិភាពទៀតផង។
ឯកឧត្តម លន់ លឹមថៃ អភិបាលនៃគណៈអភិបាលខេត្តកំពង់ចាម មានមតិសំណេះសំណេះសំណាល និង មតិផ្តាំផ្ញើ ទៅដល់ប្រពលរដ្ឋទាំងអស់អោយជួយខិតខំចូលរួមថែរក្សា ផ្លូវមួយនេះដើម្បីអោយយើងអាចប្រើប្រាស់វាបានយូអង្វែង លោកបានបន្តទៀតថាផ្លូវមួយនេះវាពិសេសណាស់ ដោយអាចភ្ជាប់ទាញគម្លាតពីទីក្រុងរវាងជនបទ ឲ្យកាន់តែជិតគ្នាថែមមួយកំរិតទៀត និងជួយសម្រួល ដល់កាធ្វើដំណើររបស់ពួកគាត់បានយ៉ាងច្រើន តែយ៉ាងណាម៉ិញ ឯកឧត្តមបានទទូចអោយប្រជាពលរដ្ឋទាំងអស់ ត្រូវតែគោរពច្បាប់បរាចរណ៍ ក្នុងកាបើរបរ ដើម្បីការពាអាយុជីវិត និងកាន់បន្ថយ អត្រាស្លាប់ដោយគ្រោះថ្នាក់ចរាចរណ៍ផងដែរ។
យ៉ាងណាម៉ិញលោកបានបន្តថា សមិទ្ធផលថ្ងៃនេះគឺបានមកពីភាពមានសន្តិសុខ សេរីភាព និងឯករាជជាតិដែលដឹកនាំដោយ រាជរដ្ឋាភិបាល មាន សម្តេចអគ្គមហាសេនាបតីតេជោ ហ៊ុន សែន ជាប្រមុខ។ និងជាចុងក្រោយ ឯកឧត្តម លន់ លឹមថៃ អភិបាលនៃគណៈអភិបាលខេត្តកំពង់ចាម បានអញ្ជើញចែកអំណោយមាន ក្រណាត់ស និងសារុង ជូនប្រជាពលរដ្ឋ ដែលបានចូលរួមនៅក្នុងពីធីនេះនិងប្រកាសបើកការដ្ឋានសាងសង់ចាប់ពីពេលនោះមក៕ដោយ ហ៊ាង អ៊ាមហុយ
ចំនួនអ្នកទស្សនា
- ថ្ងៃនេះ3931
- ម្សិលមិញ2941
- សប្តាហ៍នេះ6881
- ខែនេះ26931
- ឆ្នាំនេះ1010151
- សរុប20237597