លោក ផេន សុផល ចុះសាកសួរសុខទុក្ខប្រជាពលរដ្ឋក្រីក្រ៣គ្រួសារ នៅឃុំកោះសូទិន
16-January-2016 | ដោយ មួយឡា
កំពង់ចាម៖ ដោយពិនិត្យឃើញជីវភាពទីទ័លក្រនិងពុំមានលទ្ធភាពសំរាប់ដោះស្រាយជីវភាពប្រចាំថ្ងៃ នាល្ងាចថ្ងៃទី១៥ ខែធ្នូ ឆ្នាំ២០១៦ លោក ផេន សុផល អភិបាលស្រុកកោះសូទិន បានដឹកនាំក្រុមការងារចុះផ្ដល់សំភារៈដល់គ្រួសារក្រីក្រចំនួន ០៣គ្រួសារ នៅភូមិទី២ ឃុំកោះសូទិនស្រុកកោះសូទិន ខេត្តកំពង់ចាម។ ពិធីនេះមានការចូលរួមពី លោកមេឃុំ ក្រុមប្រឹក្សាឃុំ មេភូមិ យុវជនឃុំ និងមន្ត្រីពាក់ព័ន្ធច្រើនរូបទៀត។
នាឱកាសនោះលោក ផេន សុផល អភិបាលស្រុកកោះសូទិនមានមតិសំណេះសំណាលនិងសួរសុខទុក្ខដល់ប្រជាពលរដ្ឋ លោកក៏បានបញ្ជាក់ថាត្បិតតែសំភារៈនេះវាបន្តិចបន្តួច តែវាអាចជួយសំរាលនូវការដោះស្រាយ ទុក្ខលំបាកបានមួយកំរិត ថ្នាក់ស្រុក ខេត្ត ក៏ដួចថ្នាក់ដឹកនាំរាជរដ្ឋាភិបាលដែលមាន សម្ដេច ហ៊ុន សែន ជាប្រមុខដឹកនាំ សម្ដេចតែងតែគិតគូរ និងដោះស្រាយរាល់ទុក្ខលំបាក មិនរត់ចោលបងប្អូននៅពេលមានបញ្ហា ហើយគណបក្សប្រជាជនកម្ពុជា ហ៊ាននិយាយហ៊ានធ្វើមិនចាំតែថាដូចបក្សប្រឆាំងឡើយ។
បន្ទាប់មកក្រុមការងារបានចែកសំភារៈដល់គ្រួសារក្រីក្រចំនួន០៣គ្រួសារ ដោយក្នុងគ្រួសារនីមួយៗ ទទូលបាន អង្ករ ទឹកត្រី ទឹកស៊ីអ៊ីវ និងគ្រឿងបរិភោគមួយចំនួនទៀត។
ក្រោយមកនាល្ងាចថ្ងៃដដែលនេះ លោក ផេន សុផល អភិបាលស្រុកបានដឹកនាំក្រុមការងារ ចុះត្រួតពិនិត្យការសាងសង់ផ្លូវក្រាលបេតុង ស្ថិតនៅភូមិទី១ ឃុំកោះសូទិន ស្រុកកោះសូទិន ដែលជាគំរោងអភិវឌ្ឍន៍មូលនិធិឃុំឆ្នាំ២០១៥ទៀតផង៕ ដោយ មែន កំសត់
ចំនួនអ្នកទស្សនា
- ថ្ងៃនេះ10021
- ម្សិលមិញ15191
- សប្តាហ៍នេះ53171
- ខែនេះ75051
- ឆ្នាំនេះ75051
- សរុប20517507