ឯកឧត្តម ប៉ា សុជាតិវង្ស រៀបចំកិច្ចប្រជុំគណៈអភិបាលពិគ្រោះយោបល់ការងារបន្ទាន់
16-January-2016 | ដោយ មួយឡា
ភ្នំពេញ៖ នៅរសៀលថ្ងៃទី១៥ ខែធ្នូ ឆ្នាំ២០១៦ សាលារាជធានីភ្នំពេញ បានរៀបចំកិច្ចប្រជុំគណៈអភិបាលដឹកនាំដោយ ឯកឧត្តម ប៉ា សុជាតិវង្ស អភិបាលរាជធានីភ្នំពេញនិងមានការចូលរួមពីក្រុមប្រឹក្សារាជធានីភ្នំពេញ លោកអភិបាលខណ្ឌនិងមន្ត្រីពាក់ព័ន្ធច្រើនរូបទៀត។
អង្គប្រជុំពិភាក្សា លើកិច្ចការបន្ទាន់ចំនួន ៣ចំណុចសំខាន់ៗ៖ ១-ការងារបំបែកសង្កាត់ថ្មី ដើម្បីគ្រប់គ្រង និងផ្តល់សេវាជូនប្រជាពលរដ្ឋឱ្យកាន់តែល្អប្រសើរ ក្នុងនោះយើងនឹងមានភូមិថ្មីចំនួន ៤៧ភូមិ និងសង្កាត់ថ្មីចំនួន០៩ផងដែរ។ ២-ការងារលើកទំនប់បឹងតាមោក ដើម្បីការពារទឹកសំអុយមិនឱ្យប៉ះពាល់ដល់បងប្អូនជុំវិញបឹង និងរៀបចំជាកន្លែងអាងចម្រោះប្រព្រឹត្តិកម្ម ក្នុងនោះយើងនឹងសម្រេចឱ្យបានការងារលើកទំនប់ ៥០០ហិចតា នៅក្នុងរដូវប្រាំងឆ្នាំនេះ ចំណែកក្រុមហ៊ុនត្រូវតែចាប់ផ្តើមកិច្ចការរបស់ខ្លួននៅថ្ងៃច័ន្ទសប្តាហ៍ក្រោយតែម្តង។
ចំណែកឯទី៣-ការងារគ្រប់គ្រងបឹង និងប្រឡាយបឹងត្របែក ដើម្បីរំដោះផ្លូវអមសងខាងប្រឡាយ និងទប់ស្កាត់ការទន្ទ្រានយកបឹងពីសំណាក់ប្រជាពលរដ្ឋ ក្នុងគោលដៅធ្វើយ៉ាងណាដោះស្រាយផ្លូវទឹកមួយនេះឱ្យបានជោគជ័យ នោះតំបន់មួយចំនួនធំក្នុងរាជធានីនឹងគ្មានការជន់លិចដោយទឹកភ្លៀងទៀតឡើយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ3981
- ម្សិលមិញ2941
- សប្តាហ៍នេះ6931
- ខែនេះ26981
- ឆ្នាំនេះ1010201
- សរុប20237647