ពិធីសម្ពោធអគាររដ្ឋបាល និងសាលប្រជុំមន្ទីរកសិកម្មខេត្តព្រៃវែង

27-January-2016 | ដោយ មួយឡា

ព្រៃវែង៖ នាថ្ងៃទី ២៦ ខែ មករា ឆ្នាំ២០១៦ បានប្រារព្ធពិធីសម្ពោធ ដាក់អោយប្រើប្រាស់នូវអាគាររដ្ឋបាល និងសាលប្រជុំ នៅមន្ទីរកសិកម្មខេត្តព្រៃវែង ។

នាពិធីនោះដែរមានការអញ្ជើញចូលរួមពី មន្ត្រីរាជការ និង មន្ត្រីមន្ទីរកសិកម្មខេត្តព្រៃវែងសរុបចំនួន ១៨៥នាក់ ក្រោមអធិបតីភាព លោកជំទាវ ហោ ម៉ាលីន រដ្ឋលេខាធិការ ឯកឧត្តម អួង កុសល្យ អនុរដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ និងប្រតិភូអមដំណើរជាច្រើនរូបទៀត។

នាឱកាសនោះដែរ លោកជំទាវ ហោ ម៉ាលីន រដ្ឋលេខាធិការបានមានមតិសំណេះសំណាលសាកសួរសុខទុក្ខដល់មន្ត្រីរាជការ មន្ត្រីមន្ទីរកសិកម្មខេត្តព្រៃវែងនិងអ្នកចូលរួមប្រកបដោយបរិយាកាសសប្បាយរីរាយ។ លោកជំទាវ ក៏បានលើកឡើងថា សមិទ្ធផលមន្ទីរកសិកម្មខេត្តដែលទទួលបាន នាថ្ងៃនេះវាធំធេងសំរាប់បងប្អូននៅក្នុងមន្ត្រីរាជការ មន្ត្រីមន្ទីរកសិកម្មខេត្តព្រៃវែងដែលថ្នាក់ជាតិ ក្រសួងស្ថាប័ន ពិសេសប្រមុខរាជរដ្ឋាភិបាលដែលតែងគិតគូរនូវរាល់ទុក្ខលំបាករបស់បងប្អូនគ្រប់កាលៈទេសៈ។

បន្ទាប់មកមន្ត្រីរាជការគ្រប់ជាន់ថ្នាក់នៃមន្ទីរកសិកម្មខេត្ត បានរីករាយ និងអបអរសាទរនៅ សមិទ្ធផលដែលទទួលបាន នូវអគាររដ្ឋបាល និងសាលប្រជុំថ្មី និង សូមគោរពជូនពរ និងថ្លែងអំណរគុណចំពោះ ប្រមុខរាជរដ្ឋាភិបាល និង ថ្នាក់ដឹកនាំក្រសួងកសិកម្មរុក្ខាប្រមាញ់និងនេសាទព្រមទាំងអាជ្ញាធរខេត្តព្រៃវែងផងដែរ៕