រដ្ឋបាលសាលាខេត្តកំពង់ឆ្នាំង បានបើកសន្និបាតបូកសរុបលទ្ធផលការងារប្រចាំឆ្នាំ២០១៥ និងលើកទិសដៅការងារសម្រាប់អនុវត្តឆ្នាំ២០១៦
03-February-2016 | ដោយ មែន កំសត់
កំពង់ឆ្នាំង ៖រដ្ឋបាលសាលាខេត្តកំពង់ឆ្នាំង បានបើកសន្និបាតបូកសរុបលទ្ធផលការងារប្រចាំឆ្នាំ២០១៥ និងលើកទិសដៅការងារសម្រាប់អនុវត្តឆ្នាំ២០១៦ នារសៀលថ្ងៃទី១ ខែកុម្ភៈ ឆ្នាំ២០១៦។ សន្និបាតប្រព្រឹត្តទៅក្រោមអធិបតីភាព លោកជំទាវ ដោក សុទ្ធា ប្រធានក្រុមប្រឹក្សាខេត្ត និងឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង។
ពិធីសន្និបាតនោះក៏មានការចូលរួមពីឯកឧត្ដម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត តំណាងយោធភូមិភាគពិសេស ស្នងការ មេបញ្ជាការកងកម្លាំងទាំង៣ កម្លាំងឈរជើងក្នុងភូមិសាស្ត្រខេត្ត ប្រធានក្រុមប្រឹក្សា អភិបាល នាយករដ្ឋបាលក្រុង ស្រុក ប្រធានមន្ទីរ អង្គភាព តំណាងអង្គការសង្គមស៊ីវិលក្នុងខេត្ត និងមន្ត្រីសាលាខេត្ត មេឃុំចៅសថ្កាត់ ប៉ុស្តិ៍នគរបាលសរុប១៥១នាក់។
បន្ទាប់មក នាយករដ្ឋបាលសាលាខេត្តកំពង់ឆ្នាំង បានអាននូវរបាយការណ៍ស្ដីពីការងារបូកសរុបលទ្ធផលរដ្ឋបាលដែនដី ក្នុងខេត្តកំពង់ឆ្នាំង ប្រចាំឆ្នាំ២០១៥ ដោយផ្ដោតលើការងារសន្តិសុខសណ្ដាប់ធ្នាប់សាធារណៈ ការងារអភិវឌ្ឍន៍ ការបំរើសេវាសាធារណៈជូនប្រជាពលរដ្ឋ និងសកម្មភាពរបស់ថ្នាក់ដឹកនាំជាតិចុះមូលដ្ឋាន និងបញ្ហាប្រឈមក៏ដូចជាសំណូមពរ ជូនអង្គសន្និបាតស្ដាប់រួចមកលោកជំទាវ ដោក សុទ្ធា ប្រធានក្រុមប្រឹក្សាខេត្ត កំពង់ឆ្នាំង ក៏បានមានមតិ ទៅកាន់អង្គសន្និបាតថា លោកជំទាវ សូមកោតសរសើរចំពោះការចូលរួមកិច្ចប្រតិបត្តិការរបស់អាជ្ញាធរ គ្រប់លំដាប់ថ្នាក់ ដែលខិតខំប្រឹងប្រែងក្នុងការបង្ក្រាបរាល់បទល្មើសមិនឲ្យកើតមានជា ទ្រង់ទ្រាយធំ ថ្វីត្បិតតែវានៅមានបន្តិចបន្តួច តែយើងត្រូវរួមគ្នា បង្ក្រាបនិងស្រាវជ្រាវ ស្វែងរកមុខសញ្ញា ឈានដល់ការចាប់ខ្លួនយកមកផ្ដន្ទាទោស ហើយនាឱកាសនោះលោកជំទាវ ក៏បានសំណូមពរ ដល់អង្គសន្និបាត ពិសេសអាជ្ញាធរ ស្រុកក្រុង ឃុំសង្កាត់ ត្រូវបន្តកាផ្សព្វផ្សាយគោលនយោបាយភូមិឃុំមានសុវត្ថិភាព ធ្វើការបង្ក្រាបល្បែងស៊ីសងគ្រប់ប្រភេទ មិនឲ្យកើតមាននៅមូលដ្ឋាន ហើយបន្តការបំផុសចលនាប្រជាពលរដ្ឋគោរពច្បាប់ចរាចរណ៍ផ្លូវគោកថ្មី ហើយឲ្យម្ចាស់យានយន្តត្រូវរួសរាន់បំពេញឯកសារឲ្យបានគ្រប់គ្រាន់ ជៀសវាងរងនូវការផាកពិន័យ នាថ្ងៃទី១៥ ខែមីនា ឆ្នាំ២០១៦ខាងមុខនេះ ។
នាឱកាសនោះឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំង ក៏បានជំរុញឲ្យគ្រប់រដ្ឋបាលស្រុកក្រុង ឃុំសង្កាត់មេត្តារៀបចំបង្កើតនូវបច្ចេកវិទ្យាព័ត៌មានដូចជា (ហ្វេសបុក វ័តសអាប់ឡាញឃ៍) ជាដើម ដើម្បីតាមដាននូវរាល់ព័ត៌មានរបស់ថ្នាក់ជាតិ ថ្នាក់ក្រោមជាតិ ហើយស្រុកក្រុង ឃុំសង្កាត់ មានភាពងាយស្រួលផ្ញើព័ត៌មានទាន់សភាពការណ៍ បានមុននិងរៀបចំឯកសាររបាយការណ៍ជាផ្លូវការតាមក្រោយ។
ឯកឧត្តមអភិបាលខេត្តកំពង់ឆ្នាំងក៏បានស្នើដល់លោកលោកស្រីដែលជារដ្ឋបាលក្រុងស្រុកឃុំសង្កាត់ត្រូវបង្កើនការយកចិត្តទុកដាក់លើការបំរើសេវាជូនប្រជាពលរដ្ឋឲ្យបានល្អប្រសើរកុំអនុវត្តន៍ខុសពីច្បាប់របស់រដ្ឋកំណត់ពិសេសការប្រមូលកំរៃនៅរដ្ឋបាលថ្នាក់ក្រោមជាតិ។
ជៀសវាងមានការរិះគន់ពីប្រជាពលរដ្ឋនិងមានភាពប្រក្រតីផ្សេងៗករណីនេះបើមានបញ្ហាគឺប្រធានអង្គភាពជាអ្នកទទួលខុសត្រូវចំពោះមុខច្បាប់និងអង្គភាពប្រឆាំងអំពើពុករលួួ។
ក្នុងនោះដែរ ឯកឧត្តមអភិបាលខេត្ត ក៏បានថ្លែងនូវអំណរគុណចំពោះសមាជិកសមាជិកា នៃអង្គសន្និបាត ដែលចំណាយពេលចូលរួមក្នុងកិច្ចប្រជុំនាពេលនេះ ប្រកបដោយការទទួលខុសត្រូវខ្ពស់៕ -
ចំនួនអ្នកទស្សនា
- ថ្ងៃនេះ2471
- ម្សិលមិញ2941
- សប្តាហ៍នេះ5421
- ខែនេះ25471
- ឆ្នាំនេះ1008691
- សរុប20236137