លោក រស់ ផារិទ្ធរៀបចំការប្រជុំត្រួតពិនិត្យលទ្ធផលការងារ និងបញ្ហាប្រឈមនានានៅក្នុងខែមករា ឆ្នាំ២០១៦
08-February-2016 | ដោយ មែន កំសត់
ស្វាយរៀង ៖ នាព្រឹកថ្ងៃទី០៥ ខែកុម្ភៈ ឆ្នាំ២០១៦នេះ នៅសាលប្រជុំសាលាខេត្តស្វាយរៀង មានរៀបចំការប្រជុំត្រួតពិនិត្យលទ្ធផលការងារ និងបញ្ហាប្រឈមនានានៅក្នុងខែមករា ឆ្នាំ២០១៦ ដើម្បីលើកទិសដៅការងារសម្រាប់អនុវត្តបន្តខែកុម្ភៈ ឆ្នាំ២០១៦ ព្រមទាំងពង្រឹងការអនុវត្តតួនាទីភារកិច្ចក្នុងរចនាសម្ព័ន្ធសាលាខេត្ត ក្រោមអធិបតីភាពលោក រស់ ផារិទ្ធ នាយករដ្ឋបាលសាលាខេត្ត ។
កិច្ចប្រជុំមានការចូលរួមពីលោកលោកស្រីជាមន្ត្រីសាលាខេត្ត លោកអភិបាលក្រុងស្រុក មេឃុំចៅសង្កាត់ និងមន្ត្រីដែលពាក់ព័ន្ធច្រើនរូបទៀត។
ក្នុងឱកាសនេះដែរ លោករស់ ផារិទ្ធនាយករដ្ឋបាល ក្នុងនាមគណៈអភិបាលខេត្តបានថ្លែងអំណរគុណ និងកោតសរសើរចំពោះអស់លោក លោកស្រីនាយករងរដ្ឋបាល នាយក នាយករងទីចាត់ការ/អង្គភាព ទីប្រឹក្សា ប្រធាន អនុប្រធានការិយាល័យ និងមន្ត្រីរាជការសាលាខេត្តទាំងអស់ ដែលបានខិតខំប្រឹងប្រែងអនុវត្តតួនាទីភារកិច្ចរបស់ខ្លួន ធានាបាននូវនិរន្តរភាពកិច្ចការរដ្ឋបាលប្រចាំថ្ងៃរបស់រដ្ឋបាលខេត្ត និងការផ្ដល់សេវារដ្ឋបាលជូនប្រជាពលរដ្ឋបានយ៉ាងល្អប្រសើរ ក្នុងរយៈពេល ១ខែកន្លងមកនេះ ព្រមទាំងមានការរំពឹងទុកយ៉ាងមុតមាំថា ទីចាត់ការ/អង្គភាព និងមន្ត្រីរាជការសាលាខេត្តទាំងអស់ នឹងអនុវត្តតួនាទីភារកិច្ចរបស់ខ្លួនប្រកបដោយការសហការ និងសាមគ្គីភាព ស្របតាមលក្ខខណ្ឌការងារ ឈានទៅសម្រេចបានសមិទ្ធផលថ្មីថែមទៀតជូនរដ្ឋបាលខេត្ត ក៏ដូចជាការងារផ្ដល់សេវារដ្ឋបាលជូនប្រជាពលរដ្ឋកាន់តែល្អប្រសើរឡើង ៕
ចំនួនអ្នកទស្សនា
- ថ្ងៃនេះ2631
- ម្សិលមិញ2941
- សប្តាហ៍នេះ5581
- ខែនេះ25631
- ឆ្នាំនេះ1008851
- សរុប20236297