លោក គួច ចំរើនចុះទៅសួរសុខទុក្ខលោកស្រី ម៉ាក់ សុវណ្ណារី សមាជិកយុវជនសង្កាត់បឹងរាំង បានសម្រាក់ឆ្លងទន្លេនៅមន្ទីរពេទ្យកាល់ម៉ែត
08-February-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី០៨ ខែមករា ឆ្នាំ២០១៦នេះ លោក គួច ចំរើនអភិបាលខណ្ឌដូនពេញ និងជា ប្រធានគណបក្សប្រជាជនកម្ពុជា ខណ្ឌដូនពេញ លោក ចាន់ បណ្ឌិត ប្រធានក្រុមការងារប្រតិកម្មរហ័សខណ្ឌដូនពេញបានចុះទៅសួរសុខទុក្ខលោកស្រី ម៉ាក់ សុវណ្ណារី សមាជិកយុវជនសង្កាត់បឹងរាំង បានសម្រាក់ឆ្លងទន្លេនៅមន្ទីរពេទ្យកាល់ម៉ែត។
ពិធីនេះមានការចូលរួមពីសំណាក់ លោក លោកស្រីសមាជិកក្រុមការងារយុវជនប្រតិកម្មរហ័សខណ្ឌដូនពេញ លោកស្រី សមាជិកក្រុមប្រឹក្សា លោក ឆោម ឈាត ប្រធានគណបក្សសង្កាត់បឹងរាំង លោក លោកស្រី ប្រធានសាខាបក្សតាមភូមិ និងក្រុមយុវជនជាច្រើននាក់ទៀត។
នាឱកាសនោះលោក គួច ចំរើន ប្រធានគណបក្សប្រជាជនកម្ពុជានិង ជាអភិបាលខណ្ឌ ដូនពេញ បានមានមតិនិងពាំនាំសាកសួរ សុខទុក្ខពីសំណាក់ថ្នាក់ដឹកនាំបក្សគ្រប់លំដាប់ថ្នាក់ទៅកាន់លោកស្រី ម៉ាក់ សុវណ្ណារី សមាជិកយុវជនសង្កាត់បឹងរាំង បានសម្រាក់ឆ្លងទន្លេនៅមន្ទីរពេទ្យកាល់ម៉ែ ត និងបានធ្វើការគូសបញ្ជាក់ពីការ អភិវឌ្ឍសង្គមប្រកបដោយសុខសន្តិភាពក្រោមនយោបាយដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនិងជាប្រធានគណបក្សប្រជាជនកម្ពុជា ។
លោកអភិបាលខណ្ឌក៏បានកោតសរសើរដល់លោកស្រី ម៉ាក់ សុវណ្ណារី សមាជិកយុវជនសង្កាត់បឹងរាំងដែលបានចូលរួមសកម្មភាពក្នុងការងារយុវជនបក្សស័ក្ដិសមជាយុវជនឆ្នើមដែលបានលះបង់ចូលរួមលើកិច្ចអភិវឌ្ឍន៍គ្រប់រូបភាព ។ រួមជាមួយនោះ ក្រុមការងារក៏បានឧបត្តម្ភជូនលោកស្រីម៉ាក់ សុវណ្ណារីដែលជាថវិកាប្រមូលរួបរួមគ្នាមាន៖- លោកគួច ចំរើន ប្រធានគណបក្សខណ្ឌ ១លានរៀល - លោកចាន់ បណ្ឌិត ប្រធានយុវជនប្រតិកម្មរហ័ស ២០ម៉ឺនរៀល - ថវិការបស់ គណបក្សសង្កាត់បឹងរាំង ២០ម៉ឺនរៀល - លោកឆោម ឈាត ប្រធានគណបក្សសង្កាត់បឹងរាំងផ្ទាល់ ១០០ដុលា្ល ផងដែរ៕
ចំនួនអ្នកទស្សនា
- ថ្ងៃនេះ2621
- ម្សិលមិញ2941
- សប្តាហ៍នេះ5571
- ខែនេះ25621
- ឆ្នាំនេះ1008841
- សរុប20236287