លោក ជ័យ ប៊ុនឈឿគ្រូ ប្រដាល់ក្បាច់បុរាណខ្មែរបានទទួលការសាងសង់ផ្ទះថ្មីក្រោមការឧបត្ថម្ភពីលោកជំទាវ ហ៊ុន ម៉ាណា ប្រធានមូលនិធិបាយ័ន
08-February-2016 | ដោយ មែន កំសត់
បាត់ដំបង៖ ដោយមើលឃើញពីទុក្ខលំបាក របស់គ្រូប្រដាល់ក្បាច់បុរាណខ្មែរដ៏ល្បីគឺលោកអ៊ំ ជ័យ ប៊ុនឈឿ ដែលមានទីលំនៅស្រុកសង្កែខេត្តបាត់ដំបងបន្ទាប់ ពីលោកអ៊ំ ជ័យ ប៊ុនឈឿបានសម្រាក ពីការធ្វើគ្រូប្រដាល់និងអាជ្ញាកណ្ដាលមួយរយៈដោយសារជម្ងឺប្រចាំកាយហើយរស់នៅជាមួយ ក្រុមគ្រួសារ ក្រោមដំបូលផ្ទះទ្រុឌទ្រោមនិងកំពុងមានជីវភាពក្រីក្រខ្វះខាតប្រាក់កាសព្យាបាលជម្ងឺ ។
ទើបនាព្រឹក ថ្ងៃទី៦ខែកុម្ភៈឆ្នាំ២០១៦ក្រុមការងារ មូលនិធិទូរទស្សន៍បាយ័នបាននាំយកថវិកានិងមកពិនិត្យមើល សាងសង់ផ្ទះថ្មី ដែលទើបសង់រួចដ៏សែនកក់ក្តៅដែលជាអំណោយដ៏ថ្លៃថ្លាពីលោកជំទាវ ហ៊ុន ម៉ាណា ប្រធានមូលនិធិបាយ័នជំនួសផ្ទះចាស់ទ្រុឌទ្រោមធ្លុះធ្លាយជូនក្រុមគ្រួសារ លោកអ៊ំ ជ័យ ប៊ុនឈឿ ។
បន្ថែមពីលើសេចក្តីគោរពស្រលាញ់ សណ្តោសប្រណីដ៏ខ្ពង់ខ្ពស់បំផុតពីសម្តេចតេជោនាយករដ្ឋមន្ត្រីនិងសម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជាដែលបានជួយដោះស្រាយការលំបាកក្នុងជីវភាពក្រុមគ្រួសារលោកជ័យ ប៊ុនឈឿ បានទាន់ពេលវេលា និងកោតសរសើរពីស្នាដៃក្នុវវិស័យកីឡា ប្រដាល់ក្បាច់បុរាណខ្មែរ។
លើសពីនេះទៀត លោកជំទាវ ហ៊ុន ម៉ាណា និងបន្តជួយដោះស្រាយថ្លៃព្យាបាលនិងសេវាផ្សេងៗជូនលោកជ័យ ប៊ុនឈឿ រហូតជាសះស្បើយ។
តំណាងក្រុមគ្រួសារនិងលោកជ័យប៊ុនឈឿបានថ្លែងអំណរគុណដល់ក្រុមការងារមូលនិធិបាយ័នលោកជំទាវហ៊ុនម៉ាណា
និងសម្ដេចតេជោនាយករដ្ឋមន្ត្រីនិងសម្ដេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជាដែលបានដោះស្រាយនិងផ្ដល់នូវការសាងសង់ផ្ទះថ្មី ជូនពួកគាត់។
ស្របតាមគោលនយោបាយកាត់បន្ថយភាពក្រីក្រនៅមូលដ្ឋានហើយសំដៅការអនុវត្តប្រកបដោយសន្តិភាពនិងកិច្ចអភិវឌ្ឍន៍របស់ប្រទេសជាតិដែលមានសម្ដេចតេជោជាប្រមុខដឹកនាំកំពូល៕
ចំនួនអ្នកទស្សនា
- ថ្ងៃនេះ2891
- ម្សិលមិញ2941
- សប្តាហ៍នេះ5841
- ខែនេះ25891
- ឆ្នាំនេះ1009111
- សរុប20236557