ឯកឧត្តម សាយ សំអាល់ បានចុះជួបសំណេះសំណាលជាមួយបងប្អូនប្រជាពលរដ្ឋនៅ ស្រុកអូរាំងឪ
09-February-2016 | ដោយ មែន កំសត់
ត្បូងឃ្មុំ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងារថ្នាក់កណ្តាល ចុះជួយស្រុកអូរាំងឪ បានចុះជួបសំណេះសំណាលជាមួយបងប្អូនប្រជាពលរដ្ឋនៅក្នុងឃុំទួលសុភី និងឃុំចក ដើម្បីសួរសុខទុក្ខ និងបានឆ្លើយតបនូវសំណូមពរផ្សេងៗនៅព្រឹកថ្ងៃទី០៩ខែកុម្ភៈឆ្នាំ២០១៦។
ពិធី នោះ ក៏មានការ ចូលរួមពី លោកតំណាងអភិបាលស្រុក សសយកស្រុក ក្រុមប្រឹក្សាឃុំ យុវជនឃុំ មេភូមិ ប៉ុស្តិ៍រដ្ឋបាល និងប្រជាពលរដ្ឋជាច្រើននាក់ផងដែរ។
នាឱកាសនោះឯកឧត្តម សាយ សំអាល់រដ្ឋមន្ត្រីក្រសួងបរិស្ថាននិង ប្រធានសហភាពសហព័ន្ធយុវជនកម្ពុជារាជធានីភ្នំពេញ បានមានមតិនិងសំណេះសំណាលទៅកាន់បងប្អូននិងអ្នកចូលរួម ប្រកបដោយភាពកក់ក្ដៅនិងបានពាំនាំនូវការសាកសួរសុខទុក្ខពីប្រមុខរាជរដ្ឋាភិបាល និងគណបក្សប្រជាជនកម្ពុជាដែលតែងតែគិតគូរសុខទុក្ខដោះស្រាយនូវរាល់ការលំបាកជូនប្រជាពលរដ្ឋ ឆ្លៀតឱកាសនោះឯកឧត្តមបានសំឲ្យបងប្អូនថែទាំសុខភាពដោយហេតុតែរយៈពេលពីរឬបីថ្ងៃនេះវាមានភាពត្រជាក់និងស្នើឲ្យបងប្អូនមេត្តាគោរពច្បាប់ចរាចរណ៍គ្រប់ៗគ្នាដើម្បីការរួមចំណែកកាត់បន្ថយគ្រោះថ្នាក់ដោយសារចរាចរណ៍។
បន្ទាប់មកក្រុមការងារនិងឯកឧត្តមរដ្ឋមន្ត្រីក្រសួងបរិស្ថានបានចែកកាដូអនុស្សាវរីយ៍និងសំភារៈផ្សេងៗដល់អ្នកចូលរួមដើម្បីអបអរសារទរពិធីចូលឆ្នាំចិនវៀតណាមនិងសូមជូនពរបងប្អូនមានសេចក្ដីសុខសុវត្ថិភាពសុខភាពបរិបូរណ៌គ្រប់ក្រុមគ្រួសារ៕
ចំនួនអ្នកទស្សនា
- ថ្ងៃនេះ2851
- ម្សិលមិញ2941
- សប្តាហ៍នេះ5801
- ខែនេះ25851
- ឆ្នាំនេះ1009071
- សរុប20236517