ឯកឧត្តម ស សុខាសំណេះសំណាលជាមួយយោធិនពិការនិងកុមារកំព្រា កុមារពិការ នៅមណ្ឌលនៃអង្គការដំណក់ទឹក ក្នុងស្រុក ពាមរក៍
10-February-2016 | ដោយ មែន កំសត់
ព្រៃវែង៖ នាថ្ងៃទី៧ខែកុម្ភៈឆ្នាំ២០១៦នេះឯកឧត្តម ស សុខា អ្នកតំណាងរាស្ត្រមណ្ឌលព្រៃវែងនិងជាប្រធាន ស ស យ ក ខេត្ត ព្រៃវែងរួមនិងប្រតិភូអមដំណើរបានអញ្ជើញជួបសំណេះសំណាលជាមួយយោធិនពិការនិងកុមារកំព្រា កុមារពិការ នៅមណ្ឌលនៃអង្គការដំណក់ទឹក ក្នុងស្រុក ពាមរក៍។
ពិធីនោះ ក៏មាន ចូលរួមពី លោកតំណាងអភិបាលស្រុក សសយកស្រុក ក្រុមប្រឹក្សាស្រុក ឃុំយុវជនឃុំ មេភូមិ ប៉ុស្តិ៍រដ្ឋបាលសង្កាត់ជាច្រើននាក់ផងដែរ។
នាឱកាសនោះឯកឧត្តម ស សុខា អ្នកតំណាងរាស្ត្រមណ្ឌលព្រៃវែង ប្រធានសហភាពសហព័ន្ធយុវជនកម្ពុជាខេត្ត បានមានមតិនិងសំណេះសំណាលទៅកាន់បងប្អូននិងអ្នកចូលរួម ថា៖ក្រោមកិច្ចសហការយ៉ាងល្អ ជាមួយសមាគមសប្បុរសធម៌ឌូបៃ នៅប្រទេសអារ៉ាប់រួម សមាគមគ្រូពេទ្យអ៊ីស្លាមកម្ពុជា បាននឹងកំពុងសម្របសម្រួលគម្រោងចិញ្ចឹមក្មេងកំព្រាទាំងពីរភេទនៅតាម ផ្ទះ មកពី ១១រាជធានី-ខេត្ត។ ក្រៅពីគម្រោងខាងលើ សមាគមគ្រូពេទ្យអ៊ីស្លាមកម្ពុជា បានធ្វើសកម្មភាពជាច្រើន លើកិច្ចការជួយកុមារកំព្រានៅកម្ពុជា។ក្នុងនោះឯកឧត្តមក៏សូមថ្លែងអំណរគុណចំពោះប្រធានមណ្ឌលនៃអង្គការដំណក់ទឹក ក្នុងស្រុក ពាមរក៏ដែលបានខិតខំយកចិត្តទុកដាក់ថែរក្សានិងផ្គត់ផ្គង់លើជីវភាពជូនដល់កុមារនិងយោធិនពិការប្រកបដោយការយកចិត្តទុកដាក់ខ្ពស់។
បន្ទាប់មកឯកឧត្តមក៏បានឧត្ថមថវិកានិងសម្ភារៈដល់មណ្ឌលសំរាប់យកទៅប្រើប្រាស់ដោះស្រាយក្នុងការមើលថែកុមារជនពិការនិងបានជូននូវសំភារៈដល់អ្នកចូលរួមទៀតផង៕
ចំនួនអ្នកទស្សនា
- ថ្ងៃនេះ2911
- ម្សិលមិញ2941
- សប្តាហ៍នេះ5861
- ខែនេះ25911
- ឆ្នាំនេះ1009131
- សរុប20236577