លោកឈាវ ស៊ី ណូរៀបចំវេទិកាសាធារណៈភូមិឃុំមានសុវត្ថិភាព នៅក្នុងភូមិទំពូង ឃុំល្វេ
10-February-2016 | ដោយ មែន កំសត់
កំពង់ចាម៖ដោយ អនុវត្តន៍តាមគោលនយោបាយភូមិឃុំមានសុវត្ថិភាព៩ចំណុចរបស់ រាជរដ្ឋាភិបាល និងក្រសួងមហាផ្ទៃ នៅព្រឹកថ្ងៃទី១០ខែកុម្ភៈឆ្នាំ២០១៦គណៈបញ្ជាការឯកភាព រដ្ឋបាលឃុំល្វេ ស្រុកកោះសូទិន បានរៀបចំវេទិកាសាធារណៈភូមិឃុំមានសុវត្ថិភាពក្នុងគោលបំណងធ្វើការផ្សព្វផ្សាយអំពីការងារភូមិឃុំមានសុវត្ថិភាពនិងចែកជូនអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋ នៅក្នុងភូមិទំពូង ឃុំល្វេ ស្រុកកោះសូទិន ខេត្តកំពង់ចាម។
ពិធីនេះប្រារព្ធឡើងក្រោមអធិបតីភាពលោកឈាវ ស៊ី ណូនាយប៉ុស្តិ៍នគរបាលរដ្ឋបាលឃុំល្វេ។
កិច្ចប្រជុំមានការចូលរួមពីលោកញ៉ាន ញ៉ិបមេភូមិទំពូង មេភូមិរង សមាជិកភូមិ លោកស្រីជាមន្ត្រីប៉ុស្តិ៍នគរបាល នាយកនាយករងសាលាបឋមសិក្សា តំណាងអាចារ្យគណៈកម្មការវត្ត និងប្រជាពលរដ្ឋចូលរួមជាច្រើន ផងដែរ។
ជាការចាប់ផ្ដើមវេទិកាសាធារណៈ លោកញ៉ាន ញ៉ិបមេភូមិទំពូង បានធ្វើរបាយការណ៍ស្ដីពីសកម្មភាព ការដឹកនាំរួមរបស់អាជ្ញាធរទាំងសមត្ថកិច្ចក្នុង ក្របខណ្ឌស្រុកឃុំ ធានាបានស្ថេរភាពសន្តិសុខសណ្ដាប់ធ្នាប់ល្អប្រសើរ ហើយបានកែប្រែមុខមាត់ស្រុកមានការរីកចម្រើនគ្រប់វិស័យ លោកក៏បានបញ្ជាក់ជូនដល់អង្គវេទិកា នូវបញ្ហាក៏ដូចជា ទិសដៅរួមរបស់ស្រុកឃុំ។សំរាប់ពេលខាងមុខ គឺទទួលដោះស្រាយជីវភាពជូនពលរដ្ឋនិងមានសុខសន្តិភាពសុវត្ថិភាពនៅ មូលដ្ឋានគ្រប់ឃុំក្នុងស្រុក។
បន្ទាប់មកលោកឈាវ ស៊ី ណូនាយប៉ុស្តិ៍ នគរបាល បានមានមតិជំរាបជូនប្រជាពលរដ្ឋដែលចូលរួម នូវការងារគោលនយបាយភូមិឃុំមានសុវត្ថិភាព ដែលមានចំនួន៩ចំណុច ដូចជា៖
-១-គ្មានសកម្មភាពលួចឆក់ប្លន់គ្រប់ប្រភេទ/២-គ្មាន ការចែកចាយដាំដុះផលិតគ្រឿងញៀនខុសច្បាប់/៣-គ្មានក្មេងទំនើង/៤- គ្មានការលេងល្បែងស៊ីសងគ្រប់ប្រភេទ គ្មានការប្រើប្រាស់អាវុធជាតិផ្ទុះគ្រប់ប្រភេទ/៥-គ្មានអំពើអនាចារ្យ ការជួញដូរស្ត្រីកុមារ អំពើហឹង្សាគ្រួសារ/៦-គ្មានគ្រោះថ្នាក់ចរាចរណ៍/៧-គ្មានគ្រោះថ្នាក់ ដោយសារយុទ្ធភ័ណ្ឌមិនទាន់ផ្ទុះ (មីន--)/៨-មានវិធានការទប់ស្កាត់គ្រប់គ្រងគ្រោះមហន្តរាយនិងឆ្លើយតប ប្រកបដោយប្រសិទ្ធភាពខ្ពស់/៩-គ្មានករត្រួតពិនិត្យខុសច្បាប់( កុងត្រូលជជុះ) លោក ក៏បានបញ្ជាក់ជូនទៅតាមចំណុចលំអិតនិងសំណូមពរឲ្យ អាជ្ញាធរនិងប្រជាពលរដ្ឋត្រូវចូលរួមអនុវត្តន៍ទាំងអស់គ្នាទើបសង្គម មានការរីកចម្រើន។
នាឱកាសនោះដែរ លោកនាយប៉ុស្ត៍ ក៏បានមានមតិបន្ថែមទៅកាន់បងប្អូនប្រជាពលរដ្ឋស្នើសុំឲ្យ សមត្ថកិច្ចបន្តការសហការគ្នាលើការប្រតិបត្តិការបង្ក្រាបបទល្មើស ដើម្បីរក្សាសន្តិសុខ សណ្ដាប់ធ្នាប់ជូនប្រជាពលរដ្ឋនៅមូលដ្ឋាននិងបញ្ហាប្រឈមនានាក៏ដូចជា សំណូមពរដែលគណៈបញ្ជាការឯកភាព នឹងខិតខំបន្តការដោះស្រាយឲ្យបាន តាមលទ្ធភាពដែលមានហើយបើសំណូមពរធំៗនិងពាំនាំស្នើទៅថ្នាក់ស្រុក ជាតិជួយដោះស្រាយបន្ត ចំពោះលើការប្រតិបត្តិការបង្ក្រាបបទល្មើសដើម្បីរក្សាសន្តិសុខ សណ្ដាប់ធ្នាប់ជូនប្រជាពលរដ្ឋនៅមូលដ្ឋានបងប្អូនប្រជាពលរដ្ឋត្រូវ ជួយផ្ដល់ព័ត៌មាន ជៀសវាងមានករណីកើតឡើងយើងមិនបានទប់ស្កាត់បានទាន់ពេល ហើយបងប្អូនអាចទំនាក់ទំនងតាមរយៈលេខទូរសព្ទដែលបានផ្សព្វផ្សាយ មកកាន់មេភូមិ ប៉ុស្ត៍ ហើយវេទិកានេះមិនមែនរៀបចំតែម្ដងទេក្នុង១ឆ្នាំគឺថ្នាក់ស្រុកឃុំ ត្រូវរៀបជុំឲ្យបាន៣ដងយ៉ាងហោចណាស់។ដូចនេះសូមបងប្អូនមេត្តាទទួល ជ្រាបហើយបើមានបញ្ហាប្រឈមត្រូវ ហ៊ានលើកឡើងដើម្បីយើងធ្វើការកែតម្រូវនូវចំណុចអសកម្មទាំងឡាយនោះ ដើម្បីរួមចំណែកក្នុងការអភិវឌ្ឍនៅមូលដ្ឋាន ។
បន្ទាប់មកក្រុមការងារបានចែកអត្តញ្ញាណប័ណ្ណធ្វើរួច គំរូថ្មី ដល់អ្នកចូលរួមនិងបានណែនាំឲ្យរក្សាទុកវា ជាឯកសារគតិយុត្តិសម្រាប់ការប្រើប្រាស់បើសិនករណីខូចរឺបាត់សូម រាយការណ៍មកសមត្ថកិច្ចជៀសវាងមានបញ្ហាសាម៉ីខ្លួនមិនបានដឹង។
នៅទីបញ្ជប់លោកនាយប៉ុស្តិ៍ ក៏បានថ្លែងអំណរគុណចំពោះបងប្អូនសមាជិកសមាជិកាដែល បាន ចូលរួមក្នុវវេទិកាថ្ងៃនេះប្រកបដោយភាពទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ2941
- ម្សិលមិញ2941
- សប្តាហ៍នេះ5891
- ខែនេះ25941
- ឆ្នាំនេះ1009161
- សរុប20236607