លោក ម៉ននី បណ្ឌិតផ្សព្វផ្សាយច្បាប់ស្ដីពីការដាំឈូកលើដីបឹងសាធារណៈជូនប្រជាពលរដ្ឋនៅឃុំរំលេច
10-February-2016 | ដោយ មែន កំសត់
ព្រៃវែង៖នៅថ្ងៃទី ១០ ខែកុម្ភៈ ឆ្នាំ២០១៦ គណៈបញ្ជាការឯកភាពស្រុកស៊ីធរកណ្ដាលដឹកនាំដោយ លោក ម៉ននី បណ្ឌិត អភិបាលនៃអភិបាលស្រុកស៊ីធរកណ្ដាល ក្រោមកិច្ចសហការជាមួយខ័ណ្ឌជលផលខេត្តព្រៃវែង បានរៀបចំវេទិកាសាធារណៈ ស្តីពីការដាំឈូកលើដីបឹងសាធារណៈ នៅភូមិអន្លង់សរ៍ ឃុំរំលេច ស្រុកស៊ីធរកណ្ដាល ខេត្តព្រៃវែង។
វេទិកានេះមានការចូលរួមពី លោក អូន ស៊ីណាត នាយខ័ណ្ឌជលផលខេត្ត លោកអុក សំរុង អភិបាលរងស្រុក លោក ឡុង ប៊ុនធឿន អធិការស្រុក លោក ឃុន យ៉ុន មេបញ្ជាការផ្នែកសឹករងស្រុក លោកសួន ផាន នាយផ្នែកជលផលស្រុក អាជ្ញាធរភូមិ ឃុំ និង បងប្អូនប្រជាពលរដ្ឋ សរុប ១២៨នាក់ ស្រី ៦៥ នាក់។
បន្ទាប់ពីស្ដាប់របាយការណ៍របស់លោកមេឃុំរំលេចដែលបានរាយការណ៍ស្ដីពីការរំលោភបំពានរបស់ប្រជាពលរដ្ឋដាំឈូកលើដីបឹងសាធារណៈរួចមកក៏មានការចោទសួរពីសំណាក់ប្រជាពលរដ្ឋពាក់ព័ន្ធច្បាប់។
នាឱកាសនោះដែរការបកស្រាយឆ្លើយតបនឹងការចោទសួររបស់បងប្អូនប្រជាពលរដ្ឋ លោក ម៉ននី បណ្ឌិត អភិបាលស្រុក និង លោកអូន ស៊ីណាត នាយខ័ណ្ឌជលផលខេត្ត បានធ្វើការបកស្រាយ/ឆ្លើយបំភ្លឺ និង ធ្វើការផ្សព្វផ្សាយអំពីអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន, មាត្រាច្បាប់ និងទោសទណ្ឌមួយចំនួន ពាក់ព័ន្ធនឹងការដាំឈូកលើដីបឹងសាធារណៈ ជាពិសេសគឺផលប៉ះពាល់នៃការប្រើប្រាស់ថ្នាំពុល លើសុខភាពមនុស្ស សត្វ ជីវចំរុះនៅក្នុងទឹកជាដើម ដើម្បីឱ្យអ្នកចូលរួមធ្វើការពិចារណា និងអនុវត្តន៍ការងារចិញ្ចឹមជីវិតស្របតាមច្បាប់ទាំងអស់!៕
ចំនួនអ្នកទស្សនា
- ថ្ងៃនេះ2831
- ម្សិលមិញ2941
- សប្តាហ៍នេះ5781
- ខែនេះ25831
- ឆ្នាំនេះ1009051
- សរុប20236497