លោក ព្រាប មុនីនាំថវិកាដែលប្រមូលរួបរួមគ្នាយកមក បរិច្ចាគ ចូលរួមជាមួយមូលនិធិនៃសេចក្ដីស្រឡាញ់ ១៤កុម្ភៈ
12-February-2016 | ដោយ មែន កំសត់
ភ្នំពេញ៖នាព្រឹកថ្ងៃទី១២ខែកុម្ភៈឆ្នាំ២០១៦លោក ព្រាប មុនី ចៅសង្កាត់ព្រែកលៀប និងមន្ដ្រីសង្កាត់ព្រែកលៀប ទាំងអស់បានដឹកនាំថវិកាដែលប្រមូលរួបរួមគ្នាយកមក បរិច្ចាគ ចូលរួមជាមួយមូលនិធិនៃសេចក្ដីស្រឡាញ់ ១៤កុម្ភះ រៀបចំដោយ សសយក ខណ្ឌជ្រោយចង្វារសម្រាប់ជួយដល់ប្អូនៗនៅតាមមណ្ឌលកុមាកំព្រា អង្គការកុមារគថ្លង់ និងមន្ទីពេទ្យគន្ធបុប្ផា ស្ថិតនៅរាជធានីភ្នំពេញ នាថ្ងៃទ១៤និង១៥ កុម្ភៈឆ្នាំ ២០១៦ខាងមុខនេះ។
យោងតាមលោក ព្រាប មុនី ចៅសង្កាត់ព្រែកលៀបបានលើកឡើងដែរថា ថ្ងៃទី១៤កុម្ភៈមិនមែនជាថ្ងៃបុណ្យជាតិទេហើយក៏មិនមែនជាបុណ្យសង្សារដែលយុវជនឬបុគ្គលមួយចំនួនចម្លងវប្បធម៌បរទេសខ្លះប្រព្រឹត្តខុសផ្ទុយពីវប្បធម៌គេ វាជាបុណ្យបញ្ជាក់ពីក្ដីស្រលាញ់ដល់មនុស្សនៅក្នុងសង្គមគ្រប់រូបហើយបើកូនខ្មែរយកមកអនុវត្តន៍សូមកុំប្រព្រឹត្តខុស ក្ដីស្រលាញ់វាមានអត្ថន័យធំធេងណាស់មិនចាំបាច់តែចំពោះសង្សារនោះឡើយ ។លោកចៅសង្កាត់ក៏បានបន្តទៀតថា ក្រសួងសមត្ថកិច្ចនិងមានវិធានការរិតបន្តឹងចំពោះយុវជនយុវនារីដែលយកថ្ងៃ១៤កុម្ភៈជាបុណ្យជាតិហើយប្រព្រឹត្តអំពើមិនគប្បីខុសប្រពៃណីជាមួយសង្សារនៅតាមផ្ទះសំណាក់ឬតាមកន្លែងសប្បាយផ្សេងៗ លោកក៏បានបន្ថែមដែរថា ការស្រលាញ់គឺការយកចិត្តទុកដាក់ជួយអ្នកក្រក្សត់យើងអាចជួយបានតាមទំហំនិងលទ្ធភាពរបស់យើងមិនមែនក្ដីស្រលាញ់តែសម្រាប់សង្សារនោះទេ។
នាឱកាសនោះដែរតំណាងយុវជនខណ្ឌេជ្រោយចង្វារចៅសង្កាត់និងមន្ត្រីដែលពាក់ព័ន្ធសូមគោរពជូនពរ លោក សុខភាពល្អ មានសេចក្ដីក្នុងក្រុមគ្រួសារគ្រប់ពេលវេលា និងជោគជ័យក្នុងការសិក្សារបស់ខ្លួន ៕
ចំនួនអ្នកទស្សនា
- ថ្ងៃនេះ1981
- ម្សិលមិញ2941
- សប្តាហ៍នេះ4931
- ខែនេះ24981
- ឆ្នាំនេះ1008201
- សរុប20235647