សាលារាជធានីភ្នំពេញ« សូមធានាជួយរកការងារឱ្យបងប្អូនពិការទាំងអស់ ប៉ុន្តែត្រូវបញ្ឈប់ការធ្វើអាជីវកម្មលើជនពិការតទៅទៀត»
13-February-2016 | ដោយ មែន កំសត់
ភ្នំពេញ៖សាលារាជធានីភ្នំពេញ សូមធានាជួយរកការងារឱ្យបងប្អូនពិការទាំងអស់ ប៉ុន្តែត្រូវបញ្ឈប់ការធ្វើអាជីវកម្មលើជនពិការតទៅទៀត។នេះជាការលើកឡើងក្នុងកិច្ចប្រជុំរបស់សាលារាជធានីភ្នំពេញកាលពីថ្ងៃទី១២ខែកុម្ភៈឆ្នាំ២០១៦រវាងក្រុមការងារក្រុមប្រឹក្សាជនពិការនិងឯកឧត្តមប៉ាសុជាតិវង្សអភិបាលរាជធានីភ្នំពេញរួមនិងមន្ត្រីសាលារាជធានីភ្នំពេញ។នាឱកាសនោះអង្គប្រជុំបានសម្រេចការងារសំខាន់ៗដែលយើងត្រូវធ្វើបន្តទៀត ជាមួយក្រុមប្រឹក្សាសកម្មភាពជនពិការគឺ៖
១-គ្រប់គ្រងឱ្យបាននូវចំនួនជនពិការទាំងអស់ទូទាំងរាជធានីភ្នំពេញ ហើយកំណត់ឱ្យច្បាស់ពីអត្តសញ្ញាណរបស់ពួកគាត់ ថានៅតាមគ្រួសារ ឬនៅតាមអង្គការ បើពួកគាត់ចង់នៅមណ្ឌល យើងត្រូវបញ្ជូនទៅមណ្ឌលរបស់យើង ដោយមានការឧបត្ថម្ភ និងបីបាច់ថែរក្សាត្រឹមត្រូវ។
២-ពិនិត្យមើលឡើងវិញថា អង្គការណាខ្លះធ្វើការជាមួយជនពិការ មានច្បាប់ ឬអត់ច្បាប់ ហើយអង្គការដែលមានច្បាប់បានអនុវត្តគោលការណ៍របស់ខ្លួនហើយ ឬនៅ?
៣-រៀបចំបណ្ដុះបណ្ដាលទៅតាមសមត្ថភាពរបស់ពួកគាត់ ដើម្បីបន្ស៊ីជាមួយនឹងការងារផ្សេងៗ ហើយយើងអាចឱ្យគាត់រស់នៅក្នុងសង្គមដូចគេដូចឯងបាន។
៤-រដ្ឋបាលរាជធានីភ្នំពេញ នឹងជ្រើសរើសបងប្អូនពិការមួយចំនួន ដើម្បីមកបម្រើការងារជាមួយយើង ទៅតាមសមត្ថភាពរបស់ពួកគេ។
បងប្អូនពិការ! គាត់ពិតជាពិបាកម្យ៉ាងហើយ ដូច្នេះយើងគ្រប់គ្នាត្រូវតែចូលរួមលើកទឹកចិត្ត និងឱ្យតម្លៃចំពោះគាត់ មិនត្រូវយកគាត់ធ្វើជាអាជីវកម្ម ដើរច្រៀងតាមដងផ្លូវ ទីសាធារណៈនានានោះទេ៕
ចំនួនអ្នកទស្សនា
- ថ្ងៃនេះ1801
- ម្សិលមិញ2941
- សប្តាហ៍នេះ4751
- ខែនេះ24801
- ឆ្នាំនេះ1008021
- សរុប20235467