ឯកឧត្តម ប៉ា សុជាតិវង្សចុះត្រួតពិនិត្យអាងស្តុក ទឹកបឹងត្របែកខាងត្បួង
14-February-2016 | ដោយ មែន កំសត់
ភ្នំពេញ៖នៅរសៀល ថ្ងៃទី ១៣ ខែ កុម្ភៈ ឆ្នាំ ២០១៦ វេលាម៉ោង២និង៣០នាទី ឯកឧត្តម ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ រួមជាមួយមន្ត្រីពាក់ព័ន្ធទាំងអស់បានចុះត្រួតពិនិត្យអាងស្តុក ទឹកបឹងត្របែកខាងត្បួងសង្កាត់បឹងត្របែក ខណ្ឌចំការមននិងត្រួតពិនិត្យមើលប្រឡាយដើម្បីធ្វើការស្តារប្រឡាយឡើងវិញនិងធ្វើផ្លូវសង ខាងប្រឡាយ។
កិច្ចចុះត្រួតពិនិត្យនេះមានការចូលរួមពីតំណាងអភិបាលខណ្ឌចំការមន មន្ត្រីសាលាខណ្ឌ ចៅសង្កាត់បឹងត្របែក លោកមេភូមិ ប៉ុស្តិ៍នគរបាលរដ្ឋបាលសង្កាត់ និងអ្នកដែលពាក់ព័ន្ធជាច្រើននាក់ផងដែរ។
នាឱកាសនោះឯកឧត្តម ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានមានមតិសំណេះសំណាលទៅកាន់មន្ត្រីរាជការនិងកងកម្លាំងប្រដាប់អាវុធប្រកបដោយក្ដីរីករាយបំផុត។លើសពីនេះទៅទៀតឯកឧត្តម អភិបាល ក៏បានសំណូមពរនិងដាក់វិធានការដល់ចៅសង្កាត់ និងមេ ភូមិនូវ ៣ ចំណុចសំខាន់ៗដូចខាងក្រោមនេះ៖
ទី១-អោយអាជ្ញាធរចៅសង្កាត់និងមេ ភូមិត្រូវ គ្រប់គ្រងចំនួនបងប្អូនដែលរស់នៅក្នុង មូលដ្ឋាន និង កំណត់ចំនួនអ្នកជួលផ្ទះនៅទីនោះឲ្យបានជាក់លាក់។
ទី២-ហាមការចាក់ដីបន្ថែម និងការសាងសង់ផ្ទះថ្មីៗបន្ថែមទៀតនៅលើដីបឹង និងប្រឡាយ
ទី៣-រៀបចំយន្តការណ៍ពីសាលារាជធានីភ្នំពេញ សាលាខណ្ឌ និងមន្រី្តពាក់ព័ន្ធ រៀបចំដាក់ការិយាល័យនៅ នឹងកន្លែង ដើម្បីឲ្យ ប្រជាពលរដ្ឋយកឯកសារពាក់ព័ន្ធមកធ្វើការដោះស្រាយជូនគាត់៕
ចំនួនអ្នកទស្សនា
- ថ្ងៃនេះ2111
- ម្សិលមិញ2941
- សប្តាហ៍នេះ5061
- ខែនេះ25111
- ឆ្នាំនេះ1008331
- សរុប20235777