ក្រុមគ្រួសារសប្បុរសជនរស់នៅប្រទេសកាណាដា ចែកបាយកញ្ចប់ សម្ភារៈសិក្សាដល់សិស្សនៅសាលាបឋមសិក្សាបាប្រីយ៍
15-February-2016 | ដោយ មែន កំសត់
ព្រៃវែង៖ដោយមើលឃើញសកម្មភាពអប់រំជាវិស័យចម្បងនិងស្ថានភាពសិស្សកំពុងជួបការលំបាកនៅព្រឹកថ្ងៃទី១៤ខែកុម្ភៈឆ្នាំ២០១៦ក្រុមការអនិកជនខ្មែរនៅប្រទេសកាណាដាដឹកនាំដោយ បងស្រី Oun You Aun និងក្រុមគ្រួសារសប្បុរសជនរស់នៅប្រទេសកាណាដា បានចុះសាកសួរសុខទុក្ខនិងចែកបាយកញ្ចប់ សម្ភារៈសិក្សាដល់សិស្សនៅសាលាបឋមសិក្សាបាប្រីយ៍ ភូមិបាប្រីយ៍ ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង។
កិច្ចសំណេះសំណាលនេះមានការចូលរួមពីលោកមេឃុំព្រែកចង្ក្រាន មេភូមិ នាយកសាលាលោកគ្រូអ្នកគ្រូនិងសិស្សានុសិស្សសរុបចំនួន ២៨៥ នាក់ ស្រីសរុប ១៣២ នាក់ផងដែរ។
បន្ទាប់ពីស្ដាប់របាយ ការណ៍របស់លោកនាយកសាលាបឋមសិក្សាបាប្រីយ៍បានអានជូនស្ដីពីស្ថានភាពសកម្មភាពក្នុងវិស័យអប់រំនៅក្នុងសាលារួចមកនាឱកាសនោះបងស្រីOun You Aunបានមានមតិសំណេះសំណាលទៅកាន់លោកគ្រូអ្នកគ្រូប្រកបដោយក្ដីរីករាយនិងបានសម្ដែងនូវទឹកចិត្តក្ដីស្រឡាញ់ជូនសិស្សានុសិស្សសូមកើតមានចំពោះមាតាបិតានិងអ្នកក្បែរខ្លួនដើម្បីក្លាយជាទំពាំងស្នងឬស្សីនាពេលអនាគត។
បន្ទាប់មកក្រុមការងារបានផ្ដល់ថវិកាជូន គ្រូសរុប ៦ នាក់ ក្នុងម្នាក់ៗថវិកា១០,០០០រៀលសិស្សចំនួន២៨៥នាក់ក្នុងម្នាក់ៗ ទទួលបានសៀវភៅចំនួន ១ ក្បាល ប៊ិច ១ ដើម ខ្មៅដៃ ១ ដើម បាយ ១ ប្រអប់ ទឹកសុទ្ធ ១ ដប និងថវិកាចំនួន ២០០០ រៀល។
តំណាងនាយកសាលាបឋមបាប្រីយ៍ក៏បានថ្លែងអំណរគុណនិងសូមគោរព និងកោតសរសើរដល់បងស្រី Oun You Aun និងក្រុមគ្រួសារដែលបានចូលរួមចំណែកក្នុងការលើកកម្ពស់វិស័យអប់រំ និងកម្មវិធីមនុស្សធ៌មនៅក្នុងស្រុកសំដៅចូលរួមកាត់បន្ថយភាពក្រីក្រនៅមូលដ្ឋាននិងលើកកំពស់វិស័យអប់រំឲ្យមានភាពប្រសើរនៅមូលដ្ឋាន៕
ចំនួនអ្នកទស្សនា
- ថ្ងៃនេះ1891
- ម្សិលមិញ2941
- សប្តាហ៍នេះ4841
- ខែនេះ24891
- ឆ្នាំនេះ1008111
- សរុប20235557