លោក ម៉ននី បណ្ឌិតរៀបចំកិច្ចប្រជុំ គណៈបញ្ជាការឯកភាពស្រុកប្រចាំខែកុម្ភៈ
15-February-2016 | ដោយ មែន កំសត់
ព្រៃវែង៖នាព្រឹកថ្ងៃទី ១៥ ខែកុម្ភៈ ឆ្នាំ ២០១៦ នៅសាលាស្រុកស៊ីធរកណ្តាល បានរៀបចំកិច្ច គណៈបញ្ជាការឯកភាពស្រុក ប្រជុំប្រចាំខែកុម្ភៈដើម្បីតាមដានសភាពការលើការងារភូមិឃុំមានសុវត្ថិភាព និង បាតុភាពខុសច្បាប់នានា ដែលបានកើតមានឡើង ក្នុងដែនសមត្ថកិច្ចរបស់ស្រុក ក្រោមអធិបតីភាព លោក ម៉ននី បណ្ឌិត អភិបាលនៃគណៈអភិបាលស្រុក និង ជាប្រធានគណៈបញ្ជាការឯកភាពស្រុកស៊ីធរកណ្ដាល។
កិច្ចប្រជុំនេះក៏ មានការចូលរួមរបស់លោកលោកស្រី ប្រធានការិយាល័យកងកម្លាំងទាំង៣អធិការនគរបាលស្រុក អវុធហត្ថស្រុក បញ្ជាការសឹករងស្រុក លោកមេឃុំ លោកនាយ ប៉ុស្តិ៍រដ្ឋបាល សរុប ២៨ នាក់ស្រី ៣នាក់។
ក្រោយពីបានស្ដាប់របាយការណ៍របស់រដ្ឋបាលស្រុកស្ដីពីការអនុវត្តសកម្មភាពការងារគោលនយបាយភូមិឃុំសុវត្ថិភាពកន្លងមកនាឱកាសនោះដែរ លោក ម៉ននី បណ្ឌិត អភិបាលនៃគណៈអភិបាលស្រុក និង ជាប្រធានគណៈបញ្ជាការឯកភាពស្រុកស៊ីធរកណ្ដាលបានមានមតិនិងបានថ្លែងនូវការកើតសរសើរចំពោះការខិតខំប្រឹងប្រែងរបស់បណ្ដាអង្គភាពនិងស្ថាប័នដែលបានសហការរួបរួមក្នុងការបង្ការបង្ក្រាបគ្រប់រូបភាពដើម្បីរក្សាសន្តិសុខសុវត្ថិភាពជូនប្រជាពលរដ្ឋនៅមូលដ្ឋានដូចជាការលុបបំបាត់ល្បែងស៊ីសងខុសច្បាប់ ការផ្សព្វផ្សាយការងារចរាចរណ៍គ្រឿងញៀន ការដោះស្រាយការរំលោភបំពានដីសារធារណៈការដាំឈូកក្នុងដីឡូត៍និងទំនាស់ផ្សេងៗដែលកើតមានក្នុមូលដ្ឋានស្រុកឃុំ ។បន្ទាប់មកសមាជិកសមាជិកាតាមបណ្ដាអង្គភាពលើកឡើងនូវចំណុចប្រឈមមួយចំនួនលើការងារមូលដ្ឋានដើម្បីជា
គន្លឹះនិងសម្រាប់ស្វែងរកដំណោះស្រាយ អង្គប្រជុំបានពិភាក្សាគ្នាយ៉ាងផុសផុល លើសពីនោះទៅទៀត
លោកអភិបាលក៏បានបន្តទៀតផងដែរថាចំណុចសកម្មភាពបញ្ហាប្រឈមយើងត្រូវចូលរួមបន្តដោះស្រាយមិនមែនចាំតែហៃអើ នោះទេ ត្រូវធ្វើដោយមិនប្រកាន់និន្នាការបក្សនយោបាយអ្វីនោះទេទើបសង្គមជាតិវារីកចម្រើន ហើយលោកស្នើដល់សមត្ថកិច្ចត្រូវបន្តរួបរួមគ្នាបន្ថែមទៀតចំពោះការងារសេសសល់ដើម្បីអនុវត្តន៍ឲ្យបានសម្រេច និងចំពោះថ្នាក់ឃុំត្រូវខិតខំបន្តការងារបម្រើសេវាសាធារណៈតាមច្បាប់កម្រៃសេវារបស់រដ្ឋ ហើយបើមានសភាពការណ៍កើតឡើងត្រូវរាយការណ៍ឲ្យបានទាន់ពេលវេលា ហើយតម្រូវការចាំបាច់ឬបញ្ហាដែលយើងដោះស្រាយមិនបានគឺយើងនិងបន្តទៅថ្នាក់លើបន្ថែមទៀត។
ជាទីបញ្ចប់លោកអភិបាលស្រុកក៏បានថ្លែងអំណរគុណចំពោះលោកលោកស្រីដែលបានចូលរួមប្រកបដោយភាពរីករាយនិងទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ2121
- ម្សិលមិញ2941
- សប្តាហ៍នេះ5071
- ខែនេះ25121
- ឆ្នាំនេះ1008341
- សរុប20235787