ក្រុមប្រឹក្សាសង្កាត់ព្រែកតាសេក អាណត្តិទី៣ បើកកិច្ចប្រជុំសាមញ្ញប្រចាំខែកុម្ភៈ ឆ្នាំ២០១៦
17-February-2016 | ដោយ មែន កំសត់
ភ្នំពេញ ៖ វេលាម៉ោង ១៤និង៣០នាទី ថ្ងៃទី១៦ ខែកុម្ភៈ ឆ្នាំ២០១៦នេះ នៅសាល ប្រជុំសាលាសង្កាត់ព្រែកតាសេក ក្រុមប្រឹក្សាសង្កាត់ អាណត្តិទី៣ បានរៀបចំបើកកិច្ចប្រជុំសាមញ្ញប្រចាំខែកុម្ភៈ ឆ្នាំ២០១៦ ក្រោមអធិបតីភាពលោក ខឹម ខឿន សមាជិកក្រុមប្រឹក្សាសង្កាត់ តំណាងលោក អឿ ស៊ីផុន ប្រធានក្រុមប្រឹក្សាសង្កាត់ព្រែកតាសេក ។
ដោយមានការអញ្ជើញចូលរួមពីសមាជិក សមាជិកាក្រុមប្រឹក្សាសង្កាត់ នាយប៉ុស្តិ៍ មន្ត្រីសង្កាត់ មេភូមិទាំងអស់ សរុបចំនួន ១៩នាក់។
កិច្ចប្រជុំផ្តោតលើរបៀបវារៈសំខាន់ដូចជា៖
១-ពិនិត្យ និងអនុម័តកំណត់ហេតុប្រចាំខែមករា ឆ្នាំ២០១៦
២-ពិនិត្យ និងអនុម័ត របាយការណ៍ប្រចាំខែកុម្ភៈ ឆ្នាំ២០១៦ ស្តីពីការអនុវត្តការងាររបស់រដ្ឋបាលសង្កាត់
៣-ការងារផ្សេងៗ៖ ស្តីពីការត្រៀមផ្លាស់ប្តូរ និងផ្តល់សៀវភៅស្នាក់នៅ(ក២)ថ្មីជូនប្រជាពលរដ្ឋក្នុងមូលដ្ឋាន
បន្ទាប់ពីស្ដាប់របាយការណ៍សកម្មភាពការងាររយៈពេល១ខែកន្លងមកនាឱកាសនោះលោក ខឹម ខឿន សមាជិកក្រុមប្រឹក្សាសង្កាត់ តំណាងលោក អឿ ស៊ីផុន ប្រធានក្រុមប្រឹក្សាសង្កាត់ព្រែកតាសេកបានមានមតិសំណេះសំណាលនិងថ្លែងនូវការកោតសរសើរដល់អង្គភាពដែលបានខិខំយកចិត្តទុកដាក់អនុវត្តន៍ការងារធនាបានសុខសុវត្ថិភាពល្អប្រសើរលោកក៏បានស្នើដល់មេភូមិ ប៉ុស្តិ៍នគរបាលនិងក្រុមប្រឹក្សាបង្កើនការយកចិត្តទុកដាក់លើការអនុវត្តន៍គោលនយោបាយភូមិសង្កាត់មានសុវត្ថិភាព បង្កើនការបម្រើសេវាសាធារណៈជូនពលរដ្ឋ លើលិខិតនានា តាមសេវាថ្នាក់ក្រោមជាតិ ការចុះមូលដ្ឋានដើម្បីដោះស្រាយរាល់សំណូមពរតម្រូវការឲ្យបានទាន់ពេលវេលា និងស្នើដល់សហការជួយផ្សព្វភ្សាយចូលរួមការងារធ្វើសៀវភៅគ្រួសារក២ដើម្បីងាយស្រួលគ្រប់គ្រងស្ថិតិឲ្យបានច្បាស់លាស់៕
ចំនួនអ្នកទស្សនា
- ថ្ងៃនេះ1901
- ម្សិលមិញ2941
- សប្តាហ៍នេះ4851
- ខែនេះ24901
- ឆ្នាំនេះ1008121
- សរុប20235567