ពេជ្រ កែវមុនីដឹកនាំកម្លាំងចុះទៅពិនិត្យទីតាំងផ្លូវ
18-February-2016 | ដោយ មែន កំសត់
ភ្នំពេញ៖កាលពីវេលាម៉ោង ១៧និង០០ នាទីនាល្ងាចថ្ងៃទី ១៧ ខែ កុម្ភៈ ឆ្នាំ ២០១៦ លោកពេជ្រ កែវមុនី អភិបាលខណ្ឌមានជ័យបានដឹកនាំកម្លាំងចុះទៅពិនិត្យទីតាំងផ្លូវមួយកន្លែង ស្ថិតនៅក្រុមទី៤ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ។
នាឱកាសនោះលោកពេជ្រ កែវមុនី អភិបាលខណ្ឌមានជ័យបានមានមតិបញ្ជាក់ថាដើម្បីពិនិត្យអំពីស្ថានភាពផ្លូវដែលពលរដ្ឋបានសំណូមពរមកខ្ញុំផ្ទាល់តាមរយៈ Acounnt facebook របស់ខ្ញុំ ដោយសំណូមពរអោយខ្ញុំជួយស្ថាបនាផ្លូវនេះជូនគាត់ ដោយហេតុថានៅតំបន់នោះនៅសល់តែកំណាត់ផ្លូវនេះមួយទេមិនទាន់បានធ្វើ ។ តាមការលើកឡើងរបស់លោក សេង សាញ់ ចៅសង្កាត់ស្ទឹងមានជ័យបានអោយដឹងថា ផ្លូវនេះសង្កាត់ធ្លាប់សិក្សាលើកគម្រោងជួសជុលម្តងរួចមកហើយ តែត្រូវបានផ្អាកទៅវិញ ដោយសារតែលំនៅដ្ឋាន និងម្ចាស់ដីមួយចំនួនមិនព្រមបើកផ្លូវនេះអោយធំទូលាយជាងនេះបន្តិច ។
ឆ្លើយតបនឹងសំណូមពរដរបស់ពលរដ្ឋ ខ្ញុំបាទនឹងពិនិត្យលទ្ធភាពក្នុងការស្ថាបនាផ្លូវនេះជូនប្រជាពលរដ្ឋ តាមលទ្ធភាពដែលខណ្ឌអាចជួយបាន ប៉ុន្តែសូមបងប្អូនប្រជារដ្ឋមួយចំនួន មេត្តាជួយសហការជាមួយអាជ្ញារ បើកផ្លូវនេះអោយបានទូលាយបន្តិចជាមុនសិន ក្នុងទំហំចាប់ពី០៥ម៉ែត្រទៅ០៦ម៉ែត្រ ៕
ចំនួនអ្នកទស្សនា
- ថ្ងៃនេះ271
- ម្សិលមិញ2941
- សប្តាហ៍នេះ3221
- ខែនេះ23271
- ឆ្នាំនេះ1006491
- សរុប20233937