សមាគមនារីខណ្ឌជ្រោយចង្វារ សួរសុខទុក្ខដល់កុមារីរងគ្រោះដោយករណីរំលោភសេពសន្ធវៈ
18-February-2016 | ដោយ មែន កំសត់
ភ្នំពេញ៖ព្រឹកថ្ងៃទី១៨ខែកុម្ភៈឆ្នាំ២០១៦ វេលម៉ោង៨និង៣០ននាទី សមាគមនារីខណ្ឌដឹកនាំដោយលោកស្រី ទឹម សុខុន និងសមាគមនារីសង្កាត់ និងមានការអញ្ជើញចូលរួមបានចុះសួរសុខទុក្ខដល់កុមារីរងគ្រោះដោយករណីរំលោភសេពសន្ធវៈ កាលពីថ្ងៃទី១៥ខែកុម្ភៈឆ្នាំ២០១៦រស់នៅ ភូមិ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ពិធីនេះមានការចូលរួមពីលោកស្រី កែ ច័ន្ទដួង ប្រធានមន្ទីរកិច្ចការនារីរាជធានីនិង សហការី អាជ្ញាធរមូលដ្ឋានសង្កាត់ជ្រោយចង្វារ អង្គការCWCC អង្គការលីកាដូ,សមាគមជួយជនក្រីក្រអន្តរជាតិកម្ពុជា ឥស្លាមសហរដ្ឋអាមេរិក ។
ក្នុងឱកាសនោះលោកស្រី ទឹម សុខុនបានមានមតិសំណេះសំណាលនិងអាណិតដល់កុមាររងគ្រោះដែលត្រូវជនល្មើសរំលោភសេពសន្ធវៈ លោកស្រីក៏បានស្នើសុំឲ្យអាជ្ញាធរនិងសមត្ថកិច្ចជួយតាមដាននិងចាប់ជនបង្កយកមកទទួលទោសតាមច្បាប់ឲ្យបាន។
បន្ទាប់មកក្រុមការងារ បានយកសំភារៈគ្រឿងឧបភោគ បរិភោគនិង ថវិកា១,៤៤០,០០០រៀលឧបត្ថម្ភ ដល់គ្រួសារដែលរងគ្រោះ ហើយសម្ភារៈនិងថវិកានេះបានមកពីការឧបត្ថម្ភបន្ថែមទៀតរួមមាន៖
-លោកជំទាវ អ៊ួង សុផល្លា ឃ្លាំង ហួត ឧបត្ថមភថវិកា១លានរៀល
-លោកស្រី កែ ច័ន្ទដួង ឧបត្ថម្ភថវិកា១៤៤,០០០រៀល អាវយឺត២
-លោកស្រី កែវ ច័ន្ទស៊ុនណារី ឧបត្ថម្ភសារុង១ អនុសាខាសមាគមនារី ឧបត្ថម្ភ អង្ករ ២០គក មី១កេស ទឹកត្រី១យួរ ទឹកស៊ីអ៊ីវ១យួរ ត្រីខ១០កំប៉ុង តែ៥កញ្ចប់ ទឹកដោះគោ៥កំប៉ុង ស្ករស២គក កន្ទេល១។
-សមាគមជួយជនក្រីក្រអន្តរជាតិកម្ពុជា ឥស្លាមសហរដ្ឋអាមេរិក ឧបត្ថម្ភគ្រឿងឧបភោគបរិភោគ ថវិកា១លានរៀល។
-អង្គការលីកាដូ ឧបត្ថម្ភ សម្ភារៈប្រើប្រាស់មួយចំនួន និងមជ្ឍមណ្ឌលឥស្លាម ឧបត្ថម្ភថវិកា ២០០,០០០រៀលផងដែរ៕
-ក្នុងនោះដែរកុមារីរងគ្រោះ ត្រូវបានអង្គការCWCCទទួលយកទៅរស់នៅក្នុងមណ្ឌល ដើម្បីស្តារនីតិសម្បទា។
ចំនួនអ្នកទស្សនា
- ថ្ងៃនេះ141
- ម្សិលមិញ2941
- សប្តាហ៍នេះ3091
- ខែនេះ23141
- ឆ្នាំនេះ1006361
- សរុប20233807