អាជ្ញាធរខេត្តព្រៃវែងចុះសួរសុខទុក្ខ កុមារាត្រូវម្ដាយបោះបង់ចោលនៅស្រុកស៊ីធរកណ្ដាល
19-February-2016 | ដោយ ពល រាជសី
ព្រៃវែង៖ ក្រោយពីបានពីភាក្សាអំពីបញ្ហា កុមារាងាយរងគ្រោះពីរនាក់បងប្អូន នៅភូមិបាប្រិយ៍ ឃុំព្រែកចង្ក្រាន ស្រុកស៊ីធរកណ្ដាល ដែលបងប្អូនទាំងអស់គ្នាបានដឹងតៗគ្នា នាពេលកន្លងមក ទើបនាព្រឹកថ្ងៃទី១៩ខែកុម្ភៈឆ្នាំ២០១៦គណៈកម្មាការថ្នាក់ខេត្ត ដឹកនាំដោយ លោកជំទាវ ទេព សំអូន អភិបាលរងនៃគណៈអភិបាលខេត្តព្រៃវែង បានចុះសួរសុខទុក្ខ កុមារា សាន ប៊ី និង សាន បយ នៅទីស្នាក់នៅបណ្តោះអាសន្នក្នុងភូមិឃុំខាងលើ ក្នុងគោលបំណងសិក្សាអំពីតម្រូវការចាំបាច់របស់ពួកគេក្នុងពេលបច្ចុប្បន្ន បើមានការយល់ព្រមពីអាណាព្យាបាល នឹងទទួលកុមារាទាំងពីរ មកដាក់មណ្ឌលតែម្តង។
ការចុះសំណេះសំណាលនេះមានការចូលរួមពីអាជ្ញាធរ រួម មាន លោក ថន ថា ប្រធានមន្ទីរសង្គមកិច្ចអតីតយុទ្ធជននិងយុវសម្បទាខេត្ត រួមជាមួយក្រុមការងារ លោក យឹម យូរ គង់ លោក អុក សំរុង អភិបាលរងស្រុកស៊ីធរកណ្ដាល រួមជាមួយយុវជន សហភាពសហព័ន្ធយុវជនកម្ពុជា ថ្នាក់ខេត្ត ថ្នាក់ស្រុក ឃុំ ភូមិ ផងដែរ។
បើយោងតាមការបញ្ជាក់របស់លោកស៊ាន ចិន្តាមន្ត្រីរដ្ឋបាលស្រុកស៊ីធរកណ្ដាលបាឲ្យដឹងថា ក្រុមការងារបានទំនាក់ទំនងតាមទូរស័ព្ទជាមួយស្ត្រីជាម្តាយអំពីការសម្រេចចិត្ត ជាលទ្ធផលស្ត្រីជាមួយនៅតែមិនយល់ព្រមប្រគល់កុមារទាំងពីរទៅដាក់នៅមណ្ឌលដដែល! ដោយទាំងខ្លួនមិនបានមើលថែកូនសោះ ក្រោយមកក្រុមការងារបានពិភាក្សាគ្នាជាមួយប្រជាពលរដ្ឋនៅក្បែរភូមិ ដោយការគិតគូរពីឧត្តមប្រយោជន៍របស់កុមារទាំងពីរ ក្រុមការងារនៅតែមិនបោះបង់ការងារនេះឡើយ គឺនៅតែបន្ត ព្យាយាមធ្វើយ៉ាងណាជួបផ្ទាល់ជាមួយស្ត្រីជាម្តាយឱ្យខានតែបាន ដើម្បីរៀបចំផែនការរយៈពេលវែងជាមួយគាត់ក្នុងការចិញ្ចឹម បីបាច់ថែទាំកុមារទាំងពីរឱ្យបានល្អ ទោះបីជាគាត់មិនព្រមឱ្យទៅមណ្ឌលក៏ដោយ តែបើក្នុងការពិភាក្សាគាត់បែរជាយល់ព្រមវិញ យើងនឹងអនុវត្តតាមអ្វីដែលបរិយាយខាងលើដដែល៕
ចំនួនអ្នកទស្សនា
- ថ្ងៃនេះ241
- ម្សិលមិញ2941
- សប្តាហ៍នេះ3191
- ខែនេះ23241
- ឆ្នាំនេះ1006461
- សរុប20233907