រដ្ឋបាលស្រុកកោះសូទិនប្រារព្ធពិធីកិច្ចប្រជុំបូកសរុបការងាររដ្ឋបាលដែនដីប្រចាំ២០១៥
24-February-2016 | ដោយ មែន កំសត់
កំពង់ចាម៖នៅព្រឹក ថ្ងៃទី២៣ ខែកុម្ភះ ឆ្នាំ ២០១៦ រដ្ឋបាលស្រុកកោះសូទិបានប្រារព្ធពិធីប្រកាសចូលកាន់មុខតំណែងប្រធាននិងអនុប្រធានការិយាល័យសុខាភិបាលស្រុក ប្រតិបត្តិកោះសូទិន និងកិច្ចប្រជុំបូកសរុបការងាររដ្ឋបាលដែនដីប្រចាំ២០១៥និងលើកទិសដៅការងារឆ្នាំ២០១៦ ក្រោមអធិបតីភាព លោក ផេន សុផល អភិបាលស្រុក និង លោកសេង សុផារុន អនុប្រធានមន្ទីរសុខាភិបាលខេត្តកំពង់ចាម។
កិច្ចប្រជុំនាពេលនោះ មានវត្តមានចូលរួមពីលោក អភិបាលរងស្រុក កងកម្លាំងប្រដាប់អាវុធទាំងបី មន្ត្រីសាលាស្រុក លោក លោកស្រីប្រធានការិយាល័យជុំវិញស្រុក លោកមេឃុំ ស្មៀនឃុំ នាយប៉ុស្តិ៍រដ្ឋបាល ប្រធានមណ្ឌលសុខភាព នាយកវិទ្យាល័យ និង អនុវិទ្យាល័យ សរុបប្រមាណ៦០ នាក់ ។
បន្ទាប់ពីស្ដាប់របាយការណ៍សកម្មភាពការងារ រយៈពេល១ឆ្នាំ កន្លងមក របស់រដ្ឋបាលស្រុកកោះសូទិន នាឱកាស នោះលោក ផេន សុផល អភិបាលស្រុក បានមានមតិសំណេះសំណាលនិងថ្លែង នូវការកោតសរសើរដល់អង្គភាពដែលបានខិតខំយកចិត្តទុកដាក់អនុវត្តន៍ ការងារធនាបានសុខសុវត្ថិភាពល្អប្រសើ រ លោកក៏បានស្នើដល់មេភូមិ ប៉ុស្តិ៍នគរបាលនិងក្រុមប្រឹក្សាបង្កើនការយកចិត្តទុកដាក់លើ ការអនុវត្តន៍គោលនយោបាយភូមិសង្កាត់មានសុវត្ថិភាព បង្កើនការបម្រើសេវាសាធារណៈជូនពលរដ្ឋ លើលិខិតនានា តាមសេវាថ្នាក់ក្រោមជាតិ ការចុះមូលដ្ឋានដើម្បីដោះស្រាយរាល់សំណូមពរតម្រូវការឲ្យបាន ទាន់ពេលវេលា ។
បន្ទាប់មកលោកសេង សុផារុន អនុប្រធានមន្ទីរសុខាភិបាលខេត្តកំពង់ចាម បានអានប្រកាសស្ដីពីការតែងតាំងនិងចូលកាន់តំណែងរបស់ប្រធាននិងអនុប្រធាន ការិយាល័យសុខាភិបាលស្រុកប្រតិបត្តិកោះសូទិនចាប់ពីពេលនេះតទៅនិង បានផ្ដាំផ្ញើដល់មន្ត្រីសុខាភិបាលដែលទើបចូលកាន់តំណែងថ្មីត្រូវប្រតិបត្តិគោរពឲ្យបាននូវបទបញ្ជាលក្ខន្តិកៈវីជ្ជាជីវៈសុខាភិបាលនិងសហការជាមួយអាជ្ញាធរស្រុក ឃុំ ភូមិ អ្នកស្ម័គ្រចិត្តលើការបង្ការ និងផ្សព្វផ្សាយសេវាសុខភាពជូនប្រជាពលរដ្ឋនៅមូលដ្ឋានឲ្យបានល្អប្រសើរ និងមានផឺនការប្រជុំជាមួយមន្ត្រីក្រោមឱវាទដើម្បីត្រូតពិនិត្យតាមដាននូវសកម្មភាពការងារហើយខិតខំដោះស្រាយបញ្ហាប្រឈមនិងតម្រូវការឲ្យបានទាន់ពេលវេលា ដើម្បីលើកកំពស់សុខមាលភាពនៅមូលដ្ឋានឲ្យបានល្អប្រសើរ៕
ចំនួនអ្នកទស្សនា
- ថ្ងៃនេះ541
- ម្សិលមិញ2941
- សប្តាហ៍នេះ3491
- ខែនេះ23541
- ឆ្នាំនេះ1006761
- សរុប20234207