សាលាខណ្ឌព្រែកព្នៅរៀបចំកិច្ចប្រជុំពង្រឹងសកម្មភាពការងារមូលដ្ឋាន សង្កាត់
25-February-2016 | ដោយ មែន កំសត់
ភ្នំពេញ៖នៅព្រឹកថ្ងៃទី២៥ ខែកុម្ភះ ឆ្នាំ២០១៦ នៅសាលប្រជុំសាលាខណ្ឌព្រែកព្នៅ មានប្រារព្ធពិធីសំណេះសំណាល និងពិភាក្សាការងាររបស់សមាជិកព្រឹទ្ធសភាប្រចាំភូមិភាគ១ ជាមួយថ្នាក់ដឹកនាំសាលាខណ្ឌ និងសាលាសង្កាត់ទាំង៥ នៃខណ្ឌព្រែកព្នៅ ក្រោមអធិបតីភាព ឯកឧត្តម ជា ជេដ្ឋ សមាជិកព្រឹទ្ឋសភា និងជាប្រធានក្រុមសមាជិកព្រឹទ្ឋសភាប្រចាំភូមិភាគ១។
កិច្ចប្រជុំនេះមានវត្តមានចូលរួមពី ឯកឧត្តម ម៉ាន់ ឈឿន សមាជិកព្រឹទ្ឋសភាប្រចាំភូមិភាគ១ ឯកឧត្តម ចេប គឹមអ៊ាង សមាជិកព្រឹទ្ឋសភាប្រចាំភូមិភាគ១ លោកជំទាវ ពុំ ស៊ីចាន់ លេខាធិការក្រុមសមាជិកព្រឹទ្ឋសភាប្រចាំភូមិភាគ១ លោក ម៉ៅ បូរ៉ា ប្រធានក្រុមប្រឹក្សាខណ្ឌ លោក ហួត លាភពិសិដ្ធ អភិបាលរងខណ្ឌ និងមានការចូលរួមពី ឯកឧត្តម លោកជំទាវអមគណ:ប្រតិភូ លោកនាយករដ្ឋបាល លោក-លោកស្រីប្រធាន ការិចំណុះជំនាញ ជុំវិញខណ្ឌ លោក-លោកស្រីចៅសង្កាត់-ស្មៀនទាំង៥ លោកអធិការខណ្ឌ លោកមេបញ្ជាការរងកងរាជអាវុធហត្ថខណ្ឌ លោកមេប៉ុស្តិ៍ សរុបចំនួន ៣០នាក់ផងដែរ ។
ពិធីប្រជុំសំណេះសំណាលនេះបានដំណើរការតាមរបៀបវារៈមួយចំនួនរួមមាន៖ ការអភិវឌ្ឍមូលដ្ឋាន ការផ្តល់សេវាសាធារណ:ជូនប្រជាពលរដ្ឋ (ការផ្តល់សៀវភៅគ្រួសារ សៀវភៅស្នាក់នៅ និងអត្តសញ្ញាណប័ណ្ណគំរូថ្មី សម្រាប់ការបោះឆ្នោត ដែលនឹងរៀបចំនាពេលខាងមុខ) ការអនុវត្តគោលនយោបាយភូមិ សង្កាត់មានសុវត្ថិភាព ដើម្បីធានាសន្តិសុខ និងសណ្តាប់ធ្នាប់ជូនប្រជាពលរដ្ឋក្នុងមូលដ្ឋាន ។
បន្ទាប់ពីស្ដាប់ របាយការណ៍របស់ បណ្ដាអង្គភាព ខណ្ឌ សង្កាត់ បានលើកឡើងនូវបញ្ហាប្រឈម និងតម្រូវការរបស់មូលដ្ឋានរួចមក នាឱកាសនោះឯកឧត្តមជា ជេដ្ឋ សមាជិកព្រឹទ្ឋសភាបានមានមតិបញ្ជាក់និងសំណេះសំណាលទៅកាន់សមាជិកសមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់ខណ្ឌ សង្កាត់ភូមិ ប៉ុស្តិ៍នគរបាលរដ្ឋបាលត្រូវបន្តការយកចិត្តទុកដាក់លើការងនុវត្តន៍គោលនយោបាយភូមិសង្កាត់មានសុវត្ថិភាព ការដោះស្រាយសំណូមពរ បម្រើសេវាសាធារណៈលើលិខិតស្នាម ឯកសាររដ្ឋបាលនានាមានអត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបានល្ងប្រសើរ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយជាមួយប្រជាពលរដ្ឋត្រូវរួសរាន់កែតម្រូវ ធ្វើជាមន្ត្រីដឹងសុខទុក្ខពលរដ្ឋ ដើម្បីឲ្យស្របតាមនយោបាយរបស់រាជរដ្ឋាភិបាល ឲ្យបានក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋាន៕
ចំនួនអ្នកទស្សនា
- ថ្ងៃនេះ1601
- ម្សិលមិញ8301
- សប្តាហ៍នេះ29381
- ខែនេះ17191
- ឆ្នាំនេះ1000411
- សរុប20227857