អភិបាល ខណ្ឌដង្កោ យកអំណោយចែកជូនប្រជាពលរដ្ឋក្រីក្រ ចំនួន១៥គ្រួសារ នៅក្នុងសង្កាត់ទៀន
25-February-2016 | ដោយ មែន កំសត់
ភ្នំពេញ៖នៅព្រឹកថ្ងៃទី២៥ ខែកុម្ភៈ ឆ្នាំ២០១៦ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បាននាំយកអំណោយរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ទៅចែកជូនប្រជាពលរដ្ឋក្រីក្រ ចំនួន១៥គ្រួសារ នៅក្នុងសង្កាត់ទៀន ខណ្ឌដង្កោ។
ការចុះសាកសួរសុខទុក្ខនោះមានការចូលរួមពីមន្ត្រីសាលាខណ្ឌ សង្កាត់ មេភូមិ សសយក យុវជននិងអ្នកដែលពាក់ព័ន្ធផងដែរ។
នាឱកាសនោះលោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានមានមតិសំណេះសំណាលទៅកាន់បងប្អូននិងបានពាំនាំនូវការសាកសួរសុខទុក្ខពីថ្នាក់ដឹកនាំរបស់គណបក្សប្រជាជន ពិសេសសម្ដេចតេជោហ៊ុនសែននាយករដ្ឋមន្ត្រី នៃរាជរដ្ឋាភិបាលកម្ពុជាលើសពីនោះក្រោយពីសំណេះសំណាលចប់លោកអភិបាលក៏បានប្រគល់អំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលត្រូវចែកជូនប្រជាពលរដ្ឋក្រីក្រ ចាស់ជរា ជនពិការ ចំនួន១៥គ្រួសារក្នុងនោះ រួមមាន៖ អង្ករ ២៥គីឡូក្រាម មី១កេស ទឹកត្រី១យួរ ទឹកស៊ីអ៊ីវ១យួរ គ្រឿងឧបភោគបរិភោគ និងសម្ភារៈប្រើប្រាស់ចំនួន ១០មុខ ព្រមទាំងថវិកា ៥ម៉ឺនរៀលទៀតផងដែរ៕
ចំនួនអ្នកទស្សនា
- ថ្ងៃនេះ1551
- ម្សិលមិញ8301
- សប្តាហ៍នេះ29331
- ខែនេះ17141
- ឆ្នាំនេះ1000361
- សរុប20227807