សាលាខណ្ឌឫស្សីកែវបាន ប្រារព្ធពិធីសំអាតបរិស្ថាន
25-February-2016 | ដោយ មែន កំសត់
ភ្នំពេញ៖នាព្រឹកថ្ងៃទី ២៥ខែកុម្ភៈឆ្នាំ២០១៦សាលាខណ្ឌឫស្សីកែវបាន ប្រារព្ធពិធីសំអាតបរិស្ថាន នៅតាមបណ្តោយផ្លូវជាតិលេខ៥ ដោយមានការដឹកនាំដោយលោកស្រី លី រ៉ូហ្សាមី អភិបាលរងខណ្ឌឫស្សីកែវ តំណាងលោក ធុយ សុខន អភិបាល នៃគណ:អភិបាលខណ្ឌ។
កិច្ចប្រជុំមានការ ចូលរួម ពី នាយករដ្ឋបាលសាលា ខណ្ឌមន្ត្រីសាលាខណ្ឌ មន្ត្រីសាលាសង្កាត់ សហភាពសហព័ន្ធយុវជនកម្ពុជា ខណ្ឌ បុគ្គលិកក្រុមហ៊ុនស៊ីនទ្រី និងប្រជាពលរដ្ឋច្រើននាក់ផងដែរ។
នាឱកាសនោះលោកស្រី លី រ៉ូហ្សាមី អភិបាលរងខណ្ឌឫស្សីកែវ បានមានមតិនិងគូសបញ្ជាក់ដល់បងប្អូនដែលបានចូលរួម និងបានណែនាំដល់បងប្អូនមេត្តាចូលរួមលើការសំអាតបរិស្ថាន ដើម្បីសោភ័ណភាពសុខមាលភាព អនាម័យ ក្នុងមូលដ្ឋាន គឺទីក្រុងស្អាតបរិស្ថានល្អមានសុវត្ថិភាព និងលើកកំពស់ផ្នែកទេសចរណ៍បានមួយកំរិត លោកអភិបាលខណ្ឌ ក៏បានបន្តទៀតដែរថា សូមបងប្អូនមេត្តាកុំចោលសម្រាមពាសវាលពាសកាលត្រូវបោះចោលក្នុង ធុងសម្រាមឲ្យបានត្រឹមត្រូវ ដើម្បីមូលដ្ឋានមានភាពស្រស់ស្អាតនិងបង្ការ ការពារជម្ងឺឆ្លងផ្សេងៗ មូលដ្ឋាន លំនៅស្ថានស្អាតមានសោភ័ណភាពទីក្រុងស្អាតទើបគ្មានជម្ងឺ ឆ្លង សុខភាពល្អ។
ហើយលោកស្រីអភិបាលរងក៏បានថ្លែងនូវការអរគុណចំពោះអាជ្ញាធរនិងប្រជាពលរដ្ឋដែលចំណាយពេលចូលរួមក្នុងយុទ្ធនាការដ៏មានសារសំខាន់នាពេលនេះ៕
ចំនួនអ្នកទស្សនា
- ថ្ងៃនេះ1591
- ម្សិលមិញ8301
- សប្តាហ៍នេះ29371
- ខែនេះ17181
- ឆ្នាំនេះ1000401
- សរុប20227847