ក្រុងកំពង់ចាមប្រារព្ធទិវាទីក្រុងស្អាតលើកទី៤ ឆ្នាំ២០១៦
25-February-2016 | ដោយ មែន កំសត់
កំពង់ចាម៖ថ្ងៃទី២៥ខែកុម្ភៈ ឆ្នាំ២០១៦ ខេត្តកំពង់ចាម ប្រារព្ធ ពិធីអបអរសាទរ ទិវាទីក្រុងស្អាតលើកទី៤ ឆ្នាំ២០១៦ ក្រោមប្រធានបទ "ទីក្រុងស្អាត សុខសុវត្តិភាពល្អ ទេសចរណ៍មានកំណើន "ខណៈក្រុង ដ៏ស្រស់ ស្អាតមួយ នេះកាន់តែខិតជិតដល់ កម្មវិធីបុណ្យទន្លេ នៅក្នុងថ្ងៃទី ១១ដល់១៣ ខែមិនាខាងមុខ. កម្មវិធីអបអរសាទរ ទិវាទីក្រុងស្អាតលើកទី ៤ ឆ្នាំ២០១៦ ក្រោមប្រធានបទ "ទីក្រុងស្អាត សុខសុវត្តិភាពល្អ ទេសចរណ៍មានកំណើន "តាមរយៈចលនា ប្រលងប្រណាំងទីក្រុងស្អាត ដោយមានការដឹកនាំ ចង្អុលបង្ហាញរបស់ឯកឧត្ដមអភិបាលខេត្ត លន់ លឹមថៃ សហការជាមួយមន្ទីរទេសចរណ៍ខេត្ត មន្ទីរបរិស្ថាន និងបណ្តាមន្ទីរអង្គភាពពាក់ពន្ធ័ កងកម្លាំងប្រដាប់អាវុធ។
ទិវានោះព្រមទាំងមានការចូលរួម ពីសំណាក់បង ប្អូនប្រជាពលរដ្ឋ សិស្សានុសិស្សគ្រប់សាលា និង សាកលវិទ្យាល័យ ទូទាំងក្រុងកំពង់ចាម សរុប ប្រមាណ៣៥០០នាក់បានធ្វើការបោស សម្អាត ទីក្រុងកំពង់ចាម នាព្រឹក ថ្ងៃទី ២៥ខែ កុម្ភៈឆ្នាំ២០១៦នេះក្រោមការដឹកនាំរបស់ ឯកឧត្ដម ជឹម លាវ អភិបាលរងខេត្តកំពង់ចាម លោក ចាន់ ផល្លី អភិបាលក្រុង កំពង់ចាម។
នាឱកាស នោះដែរ លោក អភិបាលក្រុង កំពង់ចាម បាន អោយដឹងថា ការដឹកនាំបោស សម្អាតទីក្រុង នេះដោយមានការដឹកនាំ ចង្អុលបង្ហាញរបស់ឯលឧត្ដមអភិបាលខេត្ត លន់ លឹមថៃ បានធ្វើអោយក្រុង កំពង់ចាម មាន សោភ័ណភាព ស្អាតគួរជាទីទាក់ទាញភ្ញៀវទេសចរណ៍ជាតិ និង អន្តរជាតិ ហើយទទួលបាន ជយលាភីផ្ការំដួលពីរទង ជាទីក្រុង ស្អាតលំដាបថ្នាក់់លេខ២ នេះជាជោគជ័យ របស់ ថ្នាក់ដឹកនាំ និង យើងទាំងអស់គ្នា។
លោកអភិបាលក្រុងក៏បាន បន្តទៀតថា សម្រាប់ពានរង្វាន់ ឆ្នាំ ២០១៨ យើងនឹងខិតខំ ប្រឹង ប្រែងទាំងអស់គ្នាអោយ ក្រុងកំពង់ចាមទទួលបាន ចំណាត់ថ្នាក់ លេខ១ គឺផ្ការំដួល ៣ទង។
ម្យ៉ាងវិញទៀត តាមរយៈការខិតខំប្រឹង ប្រែងរបស់ ឯកឧត្តមអភិបាលខេត្តក្នុងការៀបចំទីក្រុង កំពង់ចាមអោយមាន សណ្តាប់ធ្នាប់ សោភណ័ភាព ស្អាតទាំងពេល ថ្ងៃនិង ពេលយប់ ជាក់ស្ដែងដូចជា រៀប ចំអោយមាន ភ្លើងស្តុប តាម បណ្ដារផ្លូវ សំខាន់ៗផ្លូវ ភ្លោះ របៀបចំ សួនច្បារ ច្រាំងទន្លេ កន្លែងអង្គុយកម្សាន្ត ការតាំ ភ្លើងពណ៌ក្នុងពេលរាត្រី ធ្វើទីក្រុងកំពង់ចាម កាន់តែស្អាតថែមទៀត ដែលយើងនឹងអាច ឈានចូលក្នុងការ ប្រឡងប្រណាំង ទីក្រុងស្អាតអាស៊ានផងដែរ។ ក្នុងឱកាសនោះដែរ ឯកឧត្តម ជឹមលាវ អភិបាល នៃគណៈអភិបាលរងខេត្តកំពង់ចាម បានមានអនុសាសន៍ថា "" ទីក្រុងស្អាត ដោយ យើងទាំងអស់គ្នា"" . ""ទាំងអស់គ្នា ដើម្បី ទីក្រុង ស្អាត"" គ្មានអ្នកណាមកសំអាតបរិដ្ឋានរបស់ យើងក្រៅពីយើងទាំងអស់គ្នារួមដៃគ្នាសំអាតដោយខ្លួនយើងនោះទេ បរិដ្ឋានស្អាត មានអនាម័យ សុខភាពល្អ ជីវភាពប្រជាពលរដ្ឋរុងរឿង ហើយខេត្តយើងក៏មានឱ កាស ចូលរួមប្រគួតប្រជែងទីក្រុងស្អាតជាមួយខេត្តផ្សេងៗ ក៏ ដូចជាបណ្ដាប្រទេស ក្នុង តំបន់អាស៊ានទាំងមូល ហើយអ្វីដែលសំខាន់នោះគឺ ធ្វើឲ្យខេត្តយើងទទួលបានភ្ញៀវទេសចរណ៍កើន ឡើងផងដែរ៕
ដោយ ហ៊ាង អ៊ាមហ៊ុយ
ចំនួនអ្នកទស្សនា
- ថ្ងៃនេះ1711
- ម្សិលមិញ8301
- សប្តាហ៍នេះ29491
- ខែនេះ17301
- ឆ្នាំនេះ1000521
- សរុប20227967