លោក គួច ចំរើន ចុះត្រួតពិនិត្យរៀបចំសណ្ដាប់ធ្នាប់នៅតាមដងផ្លូវ
26-February-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី ២៦ ខែ កុម្ភៈ ឆ្នាំ ២០១៦ គណៈបញ្ជាការឯកភាពខណ្ឌ ដូនពេញ បានដឹកនាំដោយ លោក គួច ចំរើន អភិបាលខណ្ឌដូនពេញ និង ជាប្រធានគណៈបញ្ជាការឯកភាពខណ្ឌ បានចុះត្រួតពិនិត្យរៀបចំសណ្ដាប់ធ្នាប់នៅតាមដងផ្លូវក្នុងខណ្ឌ សង្កាត់ ក្រោយពីទទួលបានព័ត៌មានថា រថយន្តដឹកដីមួយចំនួនបានដឹក និងជ្រុះអាចម៏ដី ពាសពេញផ្លូវ បណ្ដាលឲ្យប៉ះពាល់ស្ថានភាព និង សោភ័ណភាព សណ្តាប់ធ្នាប់ផ្លូវសាធារណៈ។
លោក អភិបាលខណ្ឌ បានចាត់បញ្ជាឲ្យ កំលាំងសណ្តាប់ធ្នាប់ខណ្ឌដូនពេញ កើបអាចម៏ដី និងសំអាត រួចមក ជាមួយគ្នានោះលោកអភិបាលក៏ បានបញ្ជាដល់មន្ដ្រីជំនាញតាមពិនិត្យមើលអាចម៏ដី រហូតមកដល់ការដ្ឋាន ទើបដឹងថាជាការដ្ឋានសាងសង់របស់លោក ចាយ សៀងអ៊ី ដែលធ្វើការខួងបុកគ្រឹះ ពេលនេះមន្ដ្រីជំនាញបានធ្វើកំណត់ហេតុ អោយខាងម្ចាស់សំណង់ធ្វើការលាងសំអាត និង ធ្វើកិច្ចសន្យាពេលដឹកដីចេញត្រូវគ្របនឹងលាងកង់ឡានអោយបានស្អាតទើបបើកចេញបាន៕
ចំនួនអ្នកទស្សនា
- ថ្ងៃនេះ1321
- ម្សិលមិញ8301
- សប្តាហ៍នេះ29101
- ខែនេះ16911
- ឆ្នាំនេះ1000131
- សរុប20227577