សាលាសង្កាត់ទំនប់ទឹកបើកកិច្ចប្រជុំក្រុមប្រឹក្សាសង្កាត់លើកទី៤៥ ប្រចាំខែកុម្ភៈ
26-February-2016 | ដោយ មែន កំសត់
ភ្នំពេញ៖ នា ព្រឹក ថ្ងៃទី២៥ ខែកុម្ភៈ ឆ្នាំ២០១៦ នៅសាលាសង្កាត់ទំនប់ទឹក ខណ្ឌចចំការមន រាជធានីភ្នំពេញ បានបើកកិច្ចប្រជុំក្រុមប្រឹក្សាសង្កាត់លើកទី៤៥ ប្រចាំខែកុម្ភៈ និងលើកទិសដៅភារកិច្ចសម្រាប់ អនុវត្តន៍បន្ត នាខែបន្ទាប់ ។
កិច្ចប្រជុំនេះមានវត្តមានចូលរួមពី សមាជិកក្រុមប្រឹក្សាសង្កាត់ នាយប៉ុស្តិ៍នគរបាល ប្រធានមណ្ឌលសុខភាព មេភូមិ ប្រជាការពារ សង្កាត់ និងមន្ត្រីដែលពាក់ព័ន្ធជាច្រើនអ្នកផងដែរ ស្ថិតក្រោម អធិបតីភាព លោកឡូយ សារឿន ប្រធានក្រុមប្រឹក្សាសង្កាត់ និង ជាចៅសង្កាត់ទំនប់ទឹក។
បន្ទាប់ពី ស្ដាប់ របាយការណ៍របស់ រដ្ឋបាលសង្កាត់ ដែលបានលើកឡើងនូវបញ្ហាប្រឈម និងតម្រូវការនានា របស់មូលដ្ឋានរួចមក នាឱកាសនោះ លោក ឡូយ សារឿន ប្រធានក្រុមប្រឹក្សាសង្កាត់ បានមានមតិបញ្ជាក់និងសំណេះសំណាលទៅកាន់សមាជិក សមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់ សង្កាត់ ភូមិ ប៉ុស្តិ៍នគរបាលរដ្ឋបាល ត្រូវបន្តការយកចិត្តទុកដាក់លើ ការអនុវត្តន៍ គោលនយោបាយ ភូមិ សង្កាត់ មានសុវត្ថិភាព ការដោះស្រាយសំណូមពរ បម្រើសេវាសាធារណៈលើ លិខិតស្នាម ឯកសាររដ្ឋបាលនានាមានដូចជា៖ អត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបាន ល្អប្រសើរ។
លោក ឡូយ សារឿន បានបន្តថែមទៀតថា៖ត្រូវអនុវត្តន៍ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយ ជាមួយប្រជាពលរដ្ឋ ត្រូវរួសរាន់កែតម្រូវ ធ្វើជាមន្ត្រី ត្រូវដឹងសុខទុក្ខរបស់ពលរដ្ឋ ដើម្បីឲ្យស្របតាមនយោបាយរបស់ រាជរដ្ឋាភិបាល ឲ្យក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋានផងដែរ។បន្ទាប់មកទៀត លោក ប្រធានក្រុមប្រឹក្សាសង្កាត់ ក៏ បានថ្លែងអំណរគុណចំពោះ សមាជិក សមាជិកា ដែលបានចំណាយពេលចូលរួមក្នុង កិច្ចប្រជុំនាឱកាសនេះ ប្រកបដោយភាពទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ1721
- ម្សិលមិញ8301
- សប្តាហ៍នេះ29501
- ខែនេះ17311
- ឆ្នាំនេះ1000531
- សរុប20227977