លោក វ៉ាន់ សាលី បើកកិច្ចប្រជុំសាមញ្ញលើកទី ២១ អាណត្តិទី ២ ខណ្ឌឫស្សីកែវ
26-February-2016 | ដោយ មែន កំសត់
ភ្នំពេញ៖ នៅ រសៀលថ្ងៃទី ២៦ខែកុម្ភៈឆ្នាំ ២០១៦ បានបើកកិច្ចប្រជុំសាមញ្ញលើកទី ២១ អាណត្តិទី ២ របស់ក្រុមប្រឹក្សានៅសាលាខណ្ឌឫស្សីកែវ រាជធានីភ្នំពេញ ។
កិច្ចប្រជុំមានការអញ្ជើញ ចូលរួមពីលោកលោក កូប ស្លេះ អភិបាលរងខណ្ឌ តំណាងលោក ធុយ សុខន អភិបាល នៃគណៈអភិបាលខណ្ឌ មេបញ្ជាការរងកងរាជអាវុធហត្ថខណ្ឌ លោកអធិការរងនគរបាលខណ្ឌ នាយករងរដ្ឋបាលសាលាខណ្ឌ ប្រធាន អនុប្រធាន ការិយាល័យចំណុះរចនាសម្ព័នសាលាខណ្ឌ ការិយាល័យជំនាញជុំវិញខណ្ឌ លោកចៅសង្កាត់ ចៅសង្កាត់រង មេភូមិ និងប្រធានសណ្តាប់ធ្នាប់ខណ្ឌ សរុប ចំនួន ៥០នាក់ក្រោមអធិបតីភាពលោក វ៉ាន់ សាលី ប្រធានក្រុមប្រឹក្សាខណ្ឌ ។
កិច្ចប្រជុំកិច្ចប្រជុំសាមញ្ញលើកទី ២១ អាណត្តិទី ២ បានប្រព្រឹត្ត ទៅ តាមរបៀបវារៈមួយចំនួន ដូចជា៖ ពិនិត្យ និងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី ២០ ប្រចាំខែមករា ពិនិត្យ និងអនុម័តលើសេចក្តីព្រាងរបាយការណ៍ប្រចាំខែកុម្ភ: ឆ្នាំ២០១៦ ពិនិត្យ និងអនុម័តលើរបាយការណ៍ស្តីពីការប៉ាន់ប្រមាណតម្រូវការសមត្ថភាពស្ថាប័ន ពិនិត្យ និងអនុម័តលើ តារាងបែងចែកប្រាក់រង្វាន់លើក ទឹកចិត្តជូនមន្ត្រីរាជការ ប្រចាំខែ កុម្ភ: ឆ្នាំ២០១៦ និងបញ្ហាផ្សេងៗមួយចំនួនទៀតផងដែរ។
កិច្ចប្រជុំបានដំណើរការតាមរបៀបវារៈប្រកបដោយភាពរីករាយនិងរលូន នាឱកាសនោះដែរលោក វ៉ាន់ សាលី ក៏បានធ្វើការកោតសរសើរ ចំពោះសមត្ថកិច្ច និងអាជ្ញាធរដែលពាក់ព័ន្ធ ពិសេសគណៈអភិបាលខណ្ឌ ចៅសង្កាត់ដែលបានយកចិត្តទុក្ខដាក់ លើការអនុវត្តន៍ការងារ សន្តិសុខសណ្ដាប់ធ្នាប់បានល្អប្រសើរ លោកក៏បានស្នើដល់អង្គប្រជុំ ត្រូវបន្តកិច្ចសហប្រតិបត្តិការ លើការអនុវត្តន៍គោលនយោបាយភូមិ សង្កាត់ មានសុវត្ថិភាព បម្រើសេវាសាធារណៈ លើការងាររដ្ឋបាលឲ្យបានល្អ ជូនប្រជាពលរដ្ឋ ស្របតាមគោលនយោបាយអភិវឌ្ឍន៍របស់រាជរដ្ឋាភិបាលដែលដឹកនាំដោយ សម្ដេចតេជោ ហ៊ុនសែន ជាប្រមុខដឹកនាំ៕
ចំនួនអ្នកទស្សនា
- ថ្ងៃនេះ1581
- ម្សិលមិញ8301
- សប្តាហ៍នេះ29361
- ខែនេះ17171
- ឆ្នាំនេះ1000391
- សរុប20227837