លោក ម៉ននី បណ្ឌិត រៀបចំកិច្ចប្រជុំ ការពង្រឹង ការងាររបស់មន្ត្រីនគរបាលស្រុកស៊ីធរកណ្ដាល
26-February-2016 | ដោយ មែន កំសត់
ព្រៃវែង៖ នាព្រឹកថ្ងៃទី ២៦ខែកុម្ភៈឆ្នាំ២០១៦ នៅអធិការនគរបាលស្រុកស៊ីធរកណ្ដាលបានរៀបចំកិច្ចប្រជុំការពង្រឹង ការងាររបស់មន្ត្រី និងការរៀបចំផែនការ ការបង្ការទប់ស្កាត់បទល្មើស ក្រោមអធិបតីភាពលោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល។
កិច្ចប្រជុំនេះមានវត្តមានចូលរួមពី លោកអធិការ អធិការរង ប្រធានផ្នែក នាយប៉ុស្តិ៍ អនុប្រធានផ្នែក នាយរងប៉ុស្តិ៍និងមន្ត្រីនគរបាល សរុបចំនួន ៦៥ នាក់។
ក្រោយពីស្ដាប់របាយការណ៍ស្វាគមន៍របស់លោក ឡុង ប៊ុនធឿន អធិការនគរបាលស្រុក លើការអនុវត្តន៍ និងសកម្មភាព កិច្ចប្រតិបត្តិការរបស់កម្លាំងនគរបាលនិងបញ្ហាប្រឈម នាពេលកន្លងមក នាឱកាសនោះលោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល បានសំដែងនូវការកោតសរសើរ លើការយកចិត្តទុកដាក់និងការសហការ បង្ក្រាបបទល្មើសទាំងមន្ត្រី ប៉ុស្តិ៍និងថ្នាក់អធិការនគរបាល រួមទាំង បានសហការយ៉ាងរលួនជាមួយ គណៈបញ្ជាការឯកភាពស្រុក ធ្វើឲ្យមូលដ្ឋានស្រុកមានសន្តិសុខសណ្ដាប់ធ្នាប់បានល្អ ប្រសើរ។
លើសពីនោះទៅទៀតលោកអភិបាលស្រុកក៏បានដាក់ជូននូវផែនការមួយចំនួន ដែលត្រូវអនុវត្តបន្តរួមមាន ៖ ពង្រឹងការអនុវត្តគោលនយោបាយ ភូមិ ឃុំមានសុវត្ថិភាព (លក្ខណៈសម្បត្តិទាំង៩យ៉ាង) ទប់ស្កាត់ និងបង្ក្រាប ល្បែងស៊ីសងគ្រប់ប្រភេទដែលកើតមានក្នុងមូលដ្ឋានរបស់ខ្លួន បន្តការពារសន្តិសុខអោយបានល្អពិសេសយកចិត្តទុកដាក់នៅទីប្រជុំជន(ផ្សារ) និង កន្លែងលក់ដូរ កន្លែងប្តូរប្រាក់ជាដើម បន្តផ្តល់អត្តសញ្ញាណប័ណ្ណជូនប្រជាពលរដ្ឋ បន្តចុះធ្វើការត្រួតពិនិត្យម៉ូតូ នៅតាមដងផ្លូវនិងផាកពិន័យតាមច្បាប់ដែលបានកំណត់ គ្រប់ប៉ុស្តិ៍រដ្ឋបាលត្រូវសហការ អោយបានល្អជាមួយអាជ្ញាធរឃុំ ប្រជាការពារ និងប្រជាពលរដ្ឋ ទទួលដោះស្រាយនិងបម្រើសេវាសាធារណៈឲ្យបានល្អ ប្រសើរ ស្របតាមគោលនយោបាយអភិវឌ្ឍន៍របស់ថ្នាក់ជាតិ៕
ចំនួនអ្នកទស្សនា
- ថ្ងៃនេះ1531
- ម្សិលមិញ8301
- សប្តាហ៍នេះ29311
- ខែនេះ17121
- ឆ្នាំនេះ1000341
- សរុប20227787