គ្រួសារ ពិការ និង ចាស់ជរា ចំនួន០៤គ្រួសារទទួលអំណោយពី លោក ម៉ននី បណ្ឌិត
27-February-2016 | ដោយ មែន កំសត់
ព្រៃវែង៖នាល្ងាចថ្ងៃទី ២៦ខែ កុម្ភៈ ឆ្នាំ២០១៦នៅភូមិពោធិ៍ទី ឃុំពោធិ៍ទី ស្រុកស៊ីធរកណ្តាលខេត្តព្រៃវែង បានរៀបចំពិធីចុះសាកសួរសុខទុក្ខនិងចែកអំណោយកាកបាទក្រហមជូនបងប្អូនជនពិការ និង ចាស់ជរា ចំនួន០៤គ្រួសារ ។
ពិធីចុះសំណេះសំណាលសួរសុខទុក្ខនេះមានវត្តមានចូលរួម ពី មន្ត្រីសាលាស្រុក លោកមេឃុំ យុវជនកាកបាទក្រហម សសយក មេភូមិ ស្ថិតក្រោមអធិបតីភាព លោក ម៉ននី បណ្ឌិត អភិបាលស្រុកនិងជា ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកស៊ីធរកណ្ដាល។
ក្រោយពីបានស្ដាប់របាយការណ៍របស់តំណាងអាជ្ញាធរឃុំ ស្ដីពីការអនុវត្តផែនការសកម្មភាព និងកិច្ចប្រឹងប្រែងរបស់អាជ្ញាធរក៏ដូចជាការចូលរួមផ្ដល់សំភារៈ ថវិការបស់សប្បុរសជនទាំងក្នុងក្រៅស្រុកជំរាបជូនដល់គណៈអធិបតី លោកអភិបាលស្រុកដែលជាប្រធានអនុសាខាកាកបាទក្រហមស្រុករួចមក។
នាឱកាសនោះ លោក ម៉ននី បណ្ឌិត អភិបាលស្រុកនិងជា ប្រធានគណៈកម្មាធិការអនសាខាកាកបាទក្រហមកម្ពុជា ស្រុកស៊ីធរកណ្ដាល បានអញ្ជើញមានមតិសាកសួរសុខទុក្ខសំណេះសំណាលប្រកបដោយភាពកក់ក្ដៅ លើសពីនេះទៅទៀតលោក ក៏បានបញ្ជាក់ពីទិសដៅរបស់កាកបាទក្រហមកម្ពុជា ក្រោមការដឹកនាំរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលសម្ដេចតែងតែនឹកគិតនិងដោះស្រាយនូវរាល់ទុក្ខលំបាកជូនដល់ ប្រជាពលរដ្ឋនៅមូលដ្ឋានមិនប្រកាន់និងរើសអើង ឲ្យតែបានទទួលនូវរបាយការណ៍ពីបណ្ដាមូលដ្ឋាន លោក ក៏បានថ្លែងអំណរគុណចំពោះអាជ្ញាធរគ្រប់លំដាប់ថ្នាក់និង សប្បុរសជនដែលបានលះបង់នូវធនធានផ្ទាល់ខ្លួនចូលរួមលើការងារមនុស្សធម៌ ប្រកបដោយទឹកចិត្តស្មោះត្រង់និងតាមយុទ្ធសាស្ត្រកិច្ចអភិវឌ្ឍន៍របស់ រាជរដ្ឋាភិបាលដែលមានសម្ដេចតេជោ ហ៊ុន សែន ជាប្រមុខដឹកនាំដ៏ឆ្លាតវៃ។
បន្ទាប់មក ក្រុមការងារបាធ្វើការផ្ដល់នូវសំភារៈ ដល់ប្រជាពលរដ្ឋ ពិការនិងចាស់ជរាចំនួន៤ គ្រួសារួមមាន ៖ឈ្មោះ សេក ផន ភេទ ស្រី (ចាស់ជរា) ឈ្មោះ ហុង ផែន ភេទ ប្រុស (ពិការ) ឈ្មោះ ហោ ឈួន ភេទ ស្រី(ចាស់ជរា) ឈ្មោះ ជួន ហួន ភេទប្រុស (ចាស់ជរាដោយក្នុង១គ្រួសាអង្ករ ៦០Kg កំសៀវ០៤ ឆ្នាំង០៤ បំពង់ទឹកក្តៅ០៤ កន្ទេល០៤ មុង០៤ ភួយ០៤ ចាន២០ វែកបាយ០៤ វែកសម្ល០៤។
ឆ្លៀតពេលជាមួយគ្នានោះដែរ លោកអភិបាលក៏ បានជួបសំណេះសំណាលជាមួយបងស្រីពិការម្នាក់ ឈ្មោះ គ្រី ស្រី ដោយមើលឃើញស្ថានភាពរស់នៅជាក់ស្ដែងលំបាក និងពុំមានលទ្ធភាព ដោះស្រាយជីវភាព លោកក៏បានផ្តល់ថវិកាផ្ទាល់ខ្លួនចំនួន ៥០,០០០ រៀល ផ្សេងទៀត ឧបត្ថម្ភ ដល់បងស្រីដែលពិការនោះផងដែរ៕
ចំនួនអ្នកទស្សនា
- ថ្ងៃនេះ1481
- ម្សិលមិញ8301
- សប្តាហ៍នេះ29261
- ខែនេះ17071
- ឆ្នាំនេះ1000291
- សរុប20227737