រដ្ឋបាលខណ្ឌសែនសុខបានប្រារព្ធទិវាជាតិទីក្រុងស្អាត លើកទី៤ ឆ្នាំ២០១៦
27-February-2016 | ដោយ មែន កំសត់
ភ្នំពេញ៖នៅព្រឹកថ្ងៃទី២៧ ខែកុម្ភៈ ឆ្នាំ២០១៦ រដ្ឋបាលខណ្ឌសែនសុខបានប្រារព្ធទិវាជាតិទីក្រុងស្អាត លើកទី៤ ឆ្នាំ២០១៦ ក្រោមប្រធានបទ "ទីក្រុងខ្ញុំស្អាត សុវត្ថិភាពល្អ ទេសចរណ៍មានកំណើន" នៅផ្សារឈូកមាស សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ក្រោមអធិបតីភាព លោកស្រី ព្រុំ រដ្ឋា និងលោក ទៀវ សំអឿន អភិបាលរងខណ្ឌ តំណាងលោក លីសាវេត អភិបាលនៃគណះអភិបាលខណ្ឌសែនសុខ។
ពិធីនេះមានការចូលរួមពីចូលរួមនិមន្តពីព្រះសង្ឃ និង មន្ត្រីរាជការ សាលាខណ្ឌ សង្កាត់ លោកគ្រូអ្នកគ្រូ សិស្សានុសិស្ស អាជីវករ យុវជនសសយក យុវជនកាយរិទ្ធ យុវជនកាកបាទក្រហម បុក្គលិកក្រុមហ៊ុនស៊ីនទ្រីប្រជាពលរដ្ឋ សរុប ៣០០នាក់។
នាឱកាសនោះលោកស្រី ព្រុំ រដ្ឋា អភិបាលរង នៃគណះអភិបាលខណ្ឌសែនសុខ បានមានមតិនិងគូសបញ្ជាក់ដល់បងប្អូនដែលបានចូលរួម និងបានណែនាំដល់បងប្អូនមេត្តាចូលរួមលើការសំអាតបរិស្ថាន ដើម្បីសោភ័ណភាពសុខមាលភាព អនាម័យ ក្នុងមូលដ្ឋាន គឺទីក្រុងស្អាតបរិស្ថានល្អមានសុវត្ថិភាព និងលើកកំពស់ផ្នែកទេសចរណ៍បានមួយកំរិត លោកអភិបាលខណ្ឌ ក៏បានបន្តទៀតដែរថា សូមបងប្អូនមេត្តាកុំចោលសម្រាមពាសវាលពាសកាលត្រូវបោះចោលក្នុង ធុងសម្រាមឲ្យបានត្រឹមត្រូវ ដើម្បីមូលដ្ឋានមានភាពស្រស់ស្អាតនិងបង្ការ ការពារជម្ងឺឆ្លងផ្សេងៗ មូលដ្ឋាន លំនៅស្ថានស្អាតមានសោភ័ណភាពទីក្រុងស្អាតទើបគ្មានជម្ងឺ ឆ្លង សុខភាពល្អ។
បន្ទាប់មកលោកស្រីអភិបាលខណ្ឌ ក៏បានថ្លែងអំណរគុណចំពោះប្រជាពលរដ្ឋនិង អាជ្ញាធរដែលបានសហការនិងចូលរួមលើការសម្អាតបរិស្ថាន មូលដ្ឋានក្រោមប្រធានបទ«"ទីក្រុងស្អាតសុខសុវត្ថិភាពល្អ ទេសចរណ៍មានកំណើន" ហើយត្រូវរួមគ្នាសម្អាតបរិស្ថាន លំនៅដ្ឋាននិងថែរក្សាសម្រស់ទីក្រុង ប្រកបដោយផាសុខភាព៕
ចំនួនអ្នកទស្សនា
- ថ្ងៃនេះ1541
- ម្សិលមិញ8301
- សប្តាហ៍នេះ29321
- ខែនេះ17131
- ឆ្នាំនេះ1000351
- សរុប20227797