លោក ធុយ សុខន ចូលរួមរំលែកទុក្ខជាមួយនឹងក្រុមគ្រួសារសព កុមារីរងគ្រោះថ្នាក់ចរាចរណ៍
28-February-2016 | ដោយ មែន កំសត់
ភ្នំពេញ៖ ដោយទទួលបានពត៌មានដ៏គួរអោយសង្វែកយ៉ាងក្រៃលែងលើករណី សិស្សវិទ្យាល័យប្ញស្សីកែវ ចំនួន ២ រូប បានជួបនឹងឧបទ្ទវហេតុគ្រោះថ្នាក់ចរាចរណ៍ស្លាប់យ៉ាងអាណោចអាធម នៅលើផ្លូវលំមួយកន្លែង ស្ថិតក្នុងភូមិស្វាយប៉ាក សង្កាត់ស្វាយប៉ាក ខណ្ឌប្ញស្សីកែវ រាជធានីភ្នំពេញ កាលពីថ្ងៃទី២៦ ខែកុម្ភៈ ឆ្នាំ២០១៦ កន្លងមក។ ទើបនៅព្រឹកថ្ងៃទី២៧ ខែកុម្ភៈ ឆ្នាំ២០១៦នេះ ស្ថិតក្នុងបរិវេណវត្តឧត្តរវត្តី ( សង្កាត់ប្ញស្សីកែវ ) លោក ធុយ សុខន អភិបាលនៃគណៈអភិបាលខណ្ឌប្ញស្សីកែវ បានចូលរួមរំលែកទុក្ខជាមួយនឹងក្រុមគ្រួសារសព កុមារីរងគ្រោះទាំង ២ រូប និងនាំយកអំណោយជូនក្រុមគ្រួសារសព។
ការចូលរួមមរណទុក្ខនេះមានការចូលរួមពី សមាគមនារីកម្ពុជា ដើម្បីសន្តិភាព និងអភិវឌ្ឍន៍ខណ្ឌប្ញស្សីកែវ អ្នកស្រី អាន ផល្លា ភរិយា លោក ជា ពិសី អភិបាលរងខណ្ឌ ព្រមជាមួយ គណៈអភិបាលខណ្ឌ កងកម្លាំងប្រដាប់អាវុធក្នុងខណ្ឌ មន្ត្រីគ្រប់ជាន់ថ្នាក់ សង្កាត់ ភូមិ ។
នាឱកាសនោះលោក ធុយ សុខន អភិបាលនៃគណៈអភិបាលខណ្ឌ បាន សម្ដែងនូវក្ដីអាណិតអាសូរ ជាពន់ពេក និងសូមចូលរួមមរណៈទុក្ខ ហើយនៅពេលនោះ ក្រុមការងារបានឧបត្ថម្ភក្នុង សព ០១ នាក់ នូវថវិកា ១ លានរៀល សរុបអស់ថវិកា ២ លានរៀល ។ក្នុងនោះសមាគមនារី ខណ្ឌ បានឧបត្ថម្ភក្នុង សព ០១ នាក់ នូវថវិកា ១០០,០០០ រៀល និង អង្ករ ចំនួន ៥០ គីឡូក្រាម សរុបអស់ថវិកា ២០០,០០០ រៀល និង អង្ករ ១០០ គឡូក្រាម ។
ចំពោះការឧបត្ថម្ភខាងលើនេះក្រុមគ្រួសារ បានថ្លែងអំណរគុណ ចំពោះក្រុមការងារដែលបានចូលរួមក្នុងឱកាសនៃពិធីបុណ្យសពរបស់ កុមារីរងគ្រោះ ទាំង ២ រូបផងដែរ និងបានជូនពរដល់ថ្នាក់ដឹកនាំ សូមប្រកបជួបប្រទះតែសេចក្ដីសុខគ្រប់ប្រការ ៕
ចំនួនអ្នកទស្សនា
- ថ្ងៃនេះ1701
- ម្សិលមិញ8301
- សប្តាហ៍នេះ29481
- ខែនេះ17291
- ឆ្នាំនេះ1000511
- សរុប20227957