លោក ហុង ហៃ នាំយកមូលនិធិគាំពារមាតាសម្រាលកូនជូនដល់ស្ដ្រីសម្រាលកូននៅមណ្ឌលសុខភាព
28-February-2016 | ដោយ មែន កំសត់
កណ្ដាល៖ នាថ្ងៃទី ២៨ ខែកុម្ភៈ ឆ្នាំ២០១៦ លោក ហុង ហៃ ជំទប់ទី១ឃុំ លំហាច ស្រុក អង្គស្នួល ខេត្ត កណ្ដាល តំណាង ឯកឧត្តម បណ្ឌិត រស់ វណ្ណា ប្រធានគណពង្រឹងមូលដ្ឋានស្រុកអង្គស្នួល និង ជាប្រធានមូលនិធិគាំពារមាតាសម្រាលកូន បានដឹកនាំក្រុមការងារចុះសួសុខទុក្ខស្ត្រីដែលទើបឆ្លងទន្លេដោយមានឈ្មោះ សាន នាង នឹង ប្រពន្ធ ឈ្មោះ ភៀច ឡៃ នៅភូមិត្រពាំងនំ ឃុំ លំហាច ស្រុកអង្គស្នួលខេត្តកណ្ដាល សំរាលបានកូនស្រី
កិច្ចសំណេះសំណាលនាពេលនោះ មានការចូលរួម ពីសមាជិកក្រុមប្រឹក្សាឃុំ មេភូមិ និងយុវជនឃុំភូមិ។
នាឱកាសនោះ លោកហុង ហៃ បានធ្វើការសំណេះសំណាល ទៅកាន់លោកស្រី និងក្រុមគ្រួសារដែលសម្រាលកូន បានកូនស្រីឈ្មោះ នាង ឡែន កើតថ្ងៃទី ២៥ ខែ កុម្ភៈ ឆ្នាំ២០១៦ នៅមណ្ឌលសុខភាពលំហាច ប្រកបដោយសុវត្ថិភាព ទាំងម្ដាយនិងកូន។ ឆ្លៀតក្នុងឱកាសនោះ ក្រុមការងារបានពាំនាំសំភារៈ និង ថវិកាឧបត្ថម្ភ របស់មូលនិធិ ឯកឧត្តម បណ្ឌិត រស់ វណ្ណា ជូនក្រុមគ្រួសាខាងលើរួមមាន សំភារៈទារក១កញ្ចប់-ថវិកា ៦០,០០០រៀល- អង្ករ២៥គីឡូក្រាម និង សំបុត្រកំណើត១ច្បាប់ ផងដែរ៕
ចំនួនអ្នកទស្សនា
- ថ្ងៃនេះ1761
- ម្សិលមិញ8301
- សប្តាហ៍នេះ29541
- ខែនេះ17351
- ឆ្នាំនេះ1000571
- សរុប20228017